影片
更多
2004-12-14
15 瀏覽
唔好比個名嚇親, 唔係校友都可以幫趁. 格局同一般中餐館差唔多, 可能地方唔大既關係, 比較清靜.先黎杏汁白肺湯, 奶白色既湯, 杏仁味無想像中咁濃, 唔會太霸道, 仲飲到其他材料例如白菜既味. 豬肺亦都好滑, 對唔住都要講句: 正過屋企果d喎~~雲腿鴿片雖然賣相麻麻, 但雲腿咸香惹味, 鴿片與草菇同炒, 亦都好好味, 極速清碟.炒倉魚球要預訂, 唔好問我點解有咁大條倉魚, 我淨係負責食架唧. 魚起肉炒球之後, 竟然都仲算嫩滑, 但完全無炒爛, 在座有唔多鍾意食魚皆因怕骨者(我係其中之一), 著實食得非常高興. 魚身連骨部分就拎去炸, 香口唔油膩, 又係好食.欖仁蝦球係比較失色既一味, 雖然欖仁鬆化, 但主角蝦爽得黎無乜鮮味.古法鹽焗雞又係要預訂, 上檯之後我地仲要再三確認, 因為橫睇掂睇都似炸子雞. 其貌不揚, 但雞肉比想像中嫩滑, 有咸味但唔會過火, 讚~~ 不過在座有人話得龍既太爺雞仲好味喎......咕嚕肉炸得幾脆, 但唔係包層厚粉去炸果隻, 個汁亦都唔會酸到令人嗆喉, 但我自己就嫌唔夠濃味.荷葉飯唔記得駛唔駛預訂, 飯粒炒得粒粒分明之餘仲有少少濕潤, 荷葉味都有少少既~~由於
先黎杏汁白肺湯, 奶白色既湯, 杏仁味無想像中咁濃, 唔會太霸道, 仲飲到其他材料例如白菜既味. 豬肺亦都好滑, 對唔住都要講句: 正過屋企果d喎~~
雲腿鴿片雖然賣相麻麻, 但雲腿咸香惹味, 鴿片與草菇同炒, 亦都好好味, 極速清碟.
炒倉魚球要預訂, 唔好問我點解有咁大條倉魚, 我淨係負責食架唧. 魚起肉炒球之後, 竟然都仲算嫩滑, 但完全無炒爛, 在座有唔多鍾意食魚皆因怕骨者(我係其中之一), 著實食得非常高興. 魚身連骨部分就拎去炸, 香口唔油膩, 又係好食.
欖仁蝦球係比較失色既一味, 雖然欖仁鬆化, 但主角蝦爽得黎無乜鮮味.
古法鹽焗雞又係要預訂, 上檯之後我地仲要再三確認, 因為橫睇掂睇都似炸子雞. 其貌不揚, 但雞肉比想像中嫩滑, 有咸味但唔會過火, 讚~~ 不過在座有人話得龍既太爺雞仲好味喎......
咕嚕肉炸得幾脆, 但唔係包層厚粉去炸果隻, 個汁亦都唔會酸到令人嗆喉, 但我自己就嫌唔夠濃味.
荷葉飯唔記得駛唔駛預訂, 飯粒炒得粒粒分明之餘仲有少少濕潤, 荷葉味都有少少既~~
由於大家尚有食力, 所以追加兩味, 包括有人聽講好好食既鷓鴣粥, 同埋侍應推薦既生炒糯米飯. 阿姐聽到我地點鷓鴣粥, 有d愕然, 我地不以為意, 食果陣個個都唔覺個「粥」有米響入面, 先至恍然大悟----原來呢個係湯羹黎架! 怪唔得阿姐覺得奇怪啦, 呢班友仔食完飯先走去叫個湯! 之但係個「粥」真係好香好好味, 質地好似糊仔咁, feel到好足料, 正~~
生炒糯米飯我無食, 據報唔夠乾身, 桃花園果個好食d咁話.
服務方面都ok, serve我地果位阿姐幾得意, 講野比較粗聲粗氣, 初時覺得佢幾兇,後來發覺佢大聲唔代表無禮貌, 其實都幾合作, 但好鍾意擅作主張將剩番既菜夾硬塞比坐得最近既人, 哈哈~~
埋單每人$220, 講真唔平, 但我自己認為都值.
張貼