黃珍珍泰國菜館 (已結業)

黃珍珍係泰菜中頗有名，今次我都係第一次o黎，因為又同另一老友慶生，壽星女指定要o黎，當然由主角話事啦。酸辣鳳爪-因為有人唔係好食得辣，所以酸辣汁分開上，雖然酸辣汁係好野味，但係另外再點，好像失了本身的神髓。醃生蝦刺身-就算唔點醬汁，都可以食到鮮甜、鮮美。炸軟殼蟹-與幾日食迴轉壽司食個次相比，真係差好遠，今次炸得特別脆口外，又不會太油，而且仲可以食到蟹膏。辣椒炒大頭蝦-一碟有七、八隻蝦，好夠份量，辣椒汁又夠晒野味，可惜蝦肉有D實，又索唔到d辣椒汁味，而個蝦頭唔錯，有唔少膏幾鮮甜。冬陰公-味道較淡，而且椰汁味太多，搶晒冬陰公本身的味道，相對來講這個湯，曼谷泰菜做得較為好。蒜蓉炒椰菜苗-炒得好嫩。雖然係第一次o黎，食物方面俾我印象都唔錯，可惜環境比較噪同比較逼。