影片
更多
2008-11-22
10 瀏覽
話說上星期去左大酒店附近食火鍋，熟識我既朋友都知我最憎去0的高檔地方食飯，所以我所講既大酒店係紅磡0個0的吧﹗紅磡曲街既老坑火鍋，上年食過一次，決定與幾個朋友再來﹗地方擴充了，租多左個大鋪位，有冷氣又有電視，舒服多了﹗食物放哂0係門口，自己睇左覺得新鮮先叫﹗湯底我地選左呢度最出名既蕃茄蟹鍋﹗兩隻大蟹絕不便宜，二百二十蚊一鍋﹗半隻蟹鉗都已經成個碗，可想而知有幾大隻﹗湯底味道很清甜，充滿蕃茄鮮香，不錯不錯﹗手打四寶丸，有蝦有鯪魚墨魚同埋肉丸，四隻都好鬼彈牙呢。呢個我全晚最鍾意，墨魚八爪魚雙拼﹗墨魚夠哂新鮮兼厚身，口感一流﹗八爪魚打邊爐好少可，0的吸盤一粒粒質感夠哂過癮，彈牙既程度入口好似仲彈下彈下咁，超級好o趙，我呢0的墨魚魷魚怪真係不停灼不停食﹗中蝦，貴左0的，七隻成八十蚊﹗無力奇的咁新鮮仲會跳來跳去，但都好食﹗打邊爐又點可以無左主角肥牛呢？牛頸脊，肉質相當腍，入口真係無咩渣，肥瘦分明肉味豐膄，唔錯呀﹗雞紅我唔食的，不過工友話好味道﹗魚雲當然又無我份啦，朋友們個個都話唔腥又滑又香﹗骨膠原豐富﹗呢個好似叫蝴蝶蚌，幾大隻，上枱已經整熟食得，肉質韌左少少不過幾鮮甜﹗來多個本地肥牛，佢地話限量供
紅磡曲街既老坑火鍋，上年食過一次，決定與幾個朋友再來﹗
地方擴充了，租多左個大鋪位，有冷氣又有電視，舒服多了﹗
食物放哂0係門口，自己睇左覺得新鮮先叫﹗
湯底我地選左呢度最出名既蕃茄蟹鍋﹗
兩隻大蟹絕不便宜，二百二十蚊一鍋﹗
半隻蟹鉗都已經成個碗，可想而知有幾大隻﹗
湯底味道很清甜，充滿蕃茄鮮香，不錯不錯﹗
手打四寶丸，有蝦有鯪魚墨魚同埋肉丸，四隻都好鬼彈牙呢。
呢個我全晚最鍾意，墨魚八爪魚雙拼﹗
墨魚夠哂新鮮兼厚身，口感一流﹗
八爪魚打邊爐好少可，0的吸盤一粒粒質感夠哂過癮，彈牙既程度入口好似仲彈下彈下咁，超級好o趙，我呢0的墨魚魷魚怪真係不停灼不停食﹗
中蝦，貴左0的，七隻成八十蚊﹗
無力奇的咁新鮮仲會跳來跳去，但都好食﹗
打邊爐又點可以無左主角肥牛呢？
牛頸脊，肉質相當腍，入口真係無咩渣，肥瘦分明肉味豐膄，唔錯呀﹗
雞紅我唔食的，不過工友話好味道﹗
魚雲當然又無我份啦，朋友們個個都話唔腥又滑又香﹗骨膠原豐富﹗
呢個好似叫蝴蝶蚌，幾大隻，上枱已經整熟食得，肉質韌左少少不過幾鮮甜﹗
來多個本地肥牛，佢地話限量供應的呀﹗唔係個個有得食﹗
0的色水好鬼鮮紅﹗
肉味明顯好過之前的頸脊，我地呢班牛之愛好者誠意推介﹗
湯底不停加湯，淡鬼哂，問人有冇得加茄膏佢收我十蚊俾左呢碗野我，蘸0的來試下味道是茄汁，怪不得個湯底咁甜啦﹗
原來是加茄醬的，仲以為有咩秘制好料，幾條友感覺down哂﹗
最後叫埋炸魚皮，又大塊又脆，好好味﹗
呢度有得叫Erdinger，麥味濃郁飲落甘香﹗
埋單一人二百七，我同友人都覺得呢度食物是貴了點呢﹗
但大部份食物都有水準，係個湯底佢加茄汁收我二百幾蚊有0的覺得唔太抵吧﹗
天氣又涼喇，又是打邊爐的好時候，大家打左未？
更多相:
http://hk.myblog.yahoo.com/smallsmalllin/article?mid=10859
張貼
