EXP

營業中

休息中

不嬲都知呢間好多人食同埋長期要拎飛排隊，所以揀咗平日嚟呢度試一試。終於明白點解咁多人鍾意嚟呢度食啦，首先餐廳裏面嘅環境亦都係相當之舒適啦樓底夠高冇壓迫咁，而且可以揀座位對住溜冰場食飯都係賞心樂事，而且又一城個商場夠晒大行到攰左之後再落嚟食非常之好。我哋叫咗墨魚汁意粉不過預咗食到成個咀都好污糟，夠晒麥魚汁嘅味道但係又唔會腥份量亦都好多可以兩份share食，跟住叫咗一份Pizza ,係有別於傳統嘅圓形Pizza因為佢係長方形嘅，亦都係新鮮滾熱辣啱啱焗出嚟，係必點嘅Pizza。可惜太飽食唔到甜品，所以叫咗小食蜜糖雞翼，應該有煎過個雞翼表面所以好夠甜又夠脆，雞翼亦都好入味，推薦大家經過九龍塘都食呢間。