影片
更多
2009-04-06
20 瀏覽
每逢經過美麗華商場，都不其然望望地庫嘅Todai，因為經常見佢人頭湧湧，人來人往咁「搵食」，這次卒之輪到我自己嚟「搵啖食」，多謝姨仔嘅慰勞宴可以免費勁擦一餐！美食當前，琳瑯滿目，梗要大開殺戒，況且，今戰有備而來，午餐都「係咁二」食少少，留肚到今晚。先殺一輪前菜、沙律、小食（中西日韓都有），好多都各具特色，大戰之前實行壯壯士氣。蜜糖黑豆、海帶沙律、油醋蕃茄係我較喜歡嘅選擇，樣樣試少少，醋酸醒神，叫味蕾喚醒，開始將腸胃起動！跟住揀幾款特別D嘅壽司，因為壽司款色實在好多吓，成幾十款，加上賣相又幾吸引，不過，自己都要勒住條脷，只揀自己心水嘅搶攻，大大舊嘅壽司卷整得點靚都要狠下心腸唔理佢，食咗佢哋就等於食咗成碗飯，即時大減戰鬥力。況且，仲有魚生同海鮮呢，依度無生蠔，所以長腳蟹就成為我嘅海鮮主打，其他海鮮包括青口、翡翠螺、凍蟹都有試，起碼知道佢哋新唔新鮮，整體嚟講都幾好，至少都唔腥！再嚟就熱盤，又係選擇多多，所以要精選食乜好。即溶烘芝士砲法包、芝士焗開邊龍蝦（最多人排隊等嘅熱食，要食就要耐心等等）、焗蠔、羊架、煎大蝦都係唔可以錯過嘅精選。我自己就一個人食咗2隻邊芝士焗龍蝦，即係成隻架喇，不過佢哋D
先殺一輪前菜、沙律、小食（中西日韓都有），好多都各具特色，大戰之前實行壯壯士氣。蜜糖黑豆、海帶沙律、油醋蕃茄係我較喜歡嘅選擇，樣樣試少少，醋酸醒神，叫味蕾喚醒，開始將腸胃起動！
跟住揀幾款特別D嘅壽司，因為壽司款色實在好多吓，成幾十款，加上賣相又幾吸引，不過，自己都要勒住條脷，只揀自己心水嘅搶攻，大大舊嘅壽司卷整得點靚都要狠下心腸唔理佢，食咗佢哋就等於食咗成碗飯，即時大減戰鬥力。況且，仲有魚生同海鮮呢，依度無生蠔，所以長腳蟹就成為我嘅海鮮主打，其他海鮮包括青口、翡翠螺、凍蟹都有試，起碼知道佢哋新唔新鮮，整體嚟講都幾好，至少都唔腥！
再嚟就熱盤，又係選擇多多，所以要精選食乜好。即溶烘芝士砲法包、芝士焗開邊龍蝦（最多人排隊等嘅熱食，要食就要耐心等等）、焗蠔、羊架、煎大蝦都係唔可以錯過嘅精選。我自己就一個人食咗2隻邊芝士焗龍蝦，即係成隻架喇，不過佢哋D龍蝦又唔係話好大隻嗰D，約8吋長，但中間都可以啖啖肉，爽呀！正呀！
最後一輪係甜品攻略，老實講佢嘅甜品唔算係好有特色，但勝在款式唔少，件件都做得的的骰骰好精緻，加上方便拎又方便食，差不多8成甜品被小弟攻陷，部分有質素嘅好似即做梳乎厘咁，鬆軟清新夠蛋香！仲有6款日本雪糕，唔理咁多，一次過試咗5款，未能全壘打，不過加埋DIY配料同醬汁，好好味，真係想幹掉埋最後一款雪糕！
因為依餐順道幫太太做埋生日，所以之前同Todai講聲，佢哋都會送個小小小生日蛋糕（比手掌大D），有咁多甜品食，所以個蛋糕都係志在被我哋唱吓生日歌仔，一家人高興吓！$298一位（平日），食物款式同質素都唔差得過D４星酒店，但價錢平一截，唯一係環境一般，服務普通，兼且唔包餐飲，覺得佢有少少唔夠大方啫，整體還是覺值得嚟試！
張貼
