聚聚 (已結業)

又去左品嘗大閘蟹🦀今次餐廳位於土瓜灣UPLACE最近推出咗大閘蟹套餐包咗八道特色大閘蟹菜式仲可以品嚐到五兩重嘅大閘蟹真係好抵食 CP值好高✨大閘蟹套餐 $398/位(Mon-Fri)✨🔸清蒸大閘蟹每位有兩隻五兩重嘅大閘蟹公，餐廳好貼心，會用錫紙包住一隻保溫。大閘蟹爆哂膏，蟹膏金黃亮麗，睇到都流晒口水，蟹肉亦好嫩滑，真係一百分。🔸荔枝蕃茄伴沙律花枝卷荔枝蕃茄非常清甜，食落好清新。花枝卷炸到金黃香脆，口感外脆內軟。🔸盞鬼濃蝦栗子湯栗子湯色澤金黃香濃，配有兩件脆卜卜嘅油炸鬼，口感好豐富。湯嘅味道好鮮甜，栗子好甘香。🔸孜然手抓骨手抓骨炸完後外層香脆，裡面嘅肉好嫩滑，仲鎖住d肉汁，食落孜然味好香。🔸蟹粉小籠包小籠包皮薄餡靚，比金黃嘅蟹粉包圍着，撈埋蟹味一齊食鮮味十足。🔸濃湯花膠浸菜苗花膠好大塊，相當足料，食落非常滑溜。菜苗好新鮮，口感爽嫩。🔸臘味糯米飯今次餐廳升級咗個飯做臘味糯米飯，飯粒口感好煙韌，配有香脆花生，非常好味。🔸薑茶甜品食完大閘蟹緊係要飲薑茶去寒啦，仲配埋杞子果凍，配搭埋一齊食好夾。