富臨皇宮 (已結業)

🥰正值九月中旬，秋意漸濃，又嚟到一年間最適合食大閘蟹嘅季節，我哋就趁着得閒同屋企人一齊去位於土瓜灣嘅富臨皇宮食大閘蟹！睇吓我哋食唔食得回本？介紹吓放題先，價錢方便到已經比其他大閘蟹放題便宜，最平$498一位就可以食到三種烹調方法嘅大閘蟹！而且小童仲有七折，而家OpenRice訂座，仲有八三折㖭，真係好抵食呀！講返啲蟹，三種烹調方法分別係清蒸，花雕蒸，同埋油鹽焗。每一種都有佢哋嘅優點，花雕蒸除咗有螃蟹嘅鮮味仲會有輕微嘅花雕香，油鹽焗都比較新奇，鹹鹹香香咁，油香比較豐富！但係我最欣賞嘅都係最樸實無華嘅清蒸，因為咁樣先可以食到最原汁原味嘅大閘蟹！呢度嘅大閘蟹都比較大隻，最重要嘅係佢嘅蟹膏非常豐富，全部都就嚟爆出嚟！一拆開個蓋，就見到成塊都金燦燦嘅蟹膏，真係好爽！除咗有大閘蟹之外，呢度仲提供好多精緻名貴嘅食材，例如有非常足料嘅花膠燉湯，見唔見到塊花膠成個碗咁大㗎！而且仲有屋企人最鍾意食嘅鮑魚，全部都好新鮮好大隻！另外呢度嘅蟹粉豆苗都好好味，真係成帶碟全部都係蟹粉，感覺蟹粉先係主角！不過最推介嘅都係無限量嘅片皮鴨，富臨皇宮出品不嬲品質都好高。尤其是係片皮鴨嘅油脂非常豐富，但係又完全唔會油膩，皮同