雋園火鍋

營業中

休息中

今年完全未食過大閘蟹，於是同屋企人一行三人一齊去食，今餐晚飯有驚喜，去咗好耐沒去的雋園。因為天氣乾燥，所以預訂了西洋菜豬肺湯，雋園的燉湯，同屋企煲的湯完全唔同，非常鮮甜，有好多杏仁（但完全冇苦味！）感覺好滋潤！豬肺液洗得好乾淨，西洋菜非常鮮嫩，食湯渣的時候，完全唔覺食緊湯渣，讚！跟住要咗一個菜膽雞，清清地，唔肥膩！另外，當然要食我必食嘅菜肉雲吞（即係蝦膠），加埋酸甜醬，非常好味，唔係度度食到！跟住就到主角，係五隻大閘蟹（四公一乸），清洗得非常乾淨，至於好唔好食？自己睇蟹殼張相就知道啦，哈哈！仲有薑茶驅寒，老闆真係心思細密，讚！因為怕肥，所以冇叫炒粉麵飯，叫咗個蛋白蒸豆腐，因為有蝦，所以非常鮮甜，豆腐亦好滑，就咁當主食，味道剛剛好！正全晚非常滿足，大家都食得好開心，有時間一定會再嚟！或者下次可以試吓燒烤，因為晚飯時屋企人聞到燒烤味好香，下次可以叫啲燒烤套餐嚟試吓！