影片
更多
2022-11-02
60 瀏覽
📌 等等HEA - 九龍城福佬村道41號地下🗓(1/11) 星期二 ⏰ 晚上7:30左右 💈特式：去到秋冬季節，又到大閘蟹收成期，咁梗係要去食返餐大閘蟹啦，但大家都知食蟹都幾麻煩，所以好多人都會選擇外出食，出面食餐蟹都唔平，所以選擇有得任食大閘蟹嘅地方就最醒目啦。🥩🍔🌭🌮🥗🥯🥘🍲🍝🍣🥟🍤🍱食物：係Openrice見到呢間舖做緊優惠 ，特價最平$548可以88分鐘任食約4両-5両大閘蟹公＋約3両半蟹乸，或$688任食約5両-6両大閘蟹公＋約4両蟹乸，另外仲有其他食物/飲品任飲任食，雖然時間就緊張d，但都等我同大家講下d蟹味道先。食物除左大閘蟹🦀外，仲可以任食蟹粉水餃🥟；生滾大閘蟹粥；蟹油香辣雞煲🍲；台式腸蟹粉糯米飯；蟹粉澎湖花枝丸；蟹粉爆汁貢丸；一口麻辣鴨血；萬華街蚵仔滷肉飯；阿宗麵線；士林鹽酥雞粒；蟹粉滷肉時菜；厚燒鰻魚。大閘蟹🦀 - 雖然揀左中size 5両-6両大閘蟹公，但上枱一d都唔似有咁重両數，但蟹係新鮮嘅，起碼唔係死蟹，但始終時間太趕，食得好急，有d手忙腳亂嘅感覺。其他食物 - 叫左兩款丸，鴨血，鹽酥雞粒同大閘蟹粥：丸類就係正常急凍丸再加左少少蟹膏係面；鴨血
🗓(1/11) 星期二 ⏰ 晚上7:30左右
💈特式：去到秋冬季節，又到大閘蟹收成期，咁梗係要去食返餐大閘蟹啦，但大家都知食蟹都幾麻煩，所以好多人都會選擇外出食，出面食餐蟹都唔平，所以選擇有得任食大閘蟹嘅地方就最醒目啦。
🥩🍔🌭🌮🥗🥯🥘🍲🍝🍣🥟🍤🍱
食物：係Openrice見到呢間舖做緊優惠 ，特價最平$548可以88分鐘任食約4両-5両大閘蟹公＋約3両半蟹乸，或$688任食約5両-6両大閘蟹公＋約4両蟹乸，另外仲有其他食物/飲品任飲任食，雖然時間就緊張d，但都等我同大家講下d蟹味道先。
食物除左大閘蟹🦀外，仲可以任食蟹粉水餃🥟；生滾大閘蟹粥；蟹油香辣雞煲🍲；台式腸蟹粉糯米飯；蟹粉澎湖花枝丸；蟹粉爆汁貢丸；一口麻辣鴨血；萬華街蚵仔滷肉飯；阿宗麵線；士林鹽酥雞粒；蟹粉滷肉時菜；厚燒鰻魚。
大閘蟹🦀 - 雖然揀左中size 5両-6両大閘蟹公，但上枱一d都唔似有咁重両數，但蟹係新鮮嘅，起碼唔係死蟹，但始終時間太趕，食得好急，有d手忙腳亂嘅感覺。
其他食物 - 叫左兩款丸，鴨血，鹽酥雞粒同大閘蟹粥：丸類就係正常急凍丸再加左少少蟹膏係面；鴨血就正正常常無乜特別；鹽酥雞粒就好麻麻，又唔脆，又無乜味；個大閘蟹粥先過引，上枱到我走都無人比過餐具我地食粥，之前個d小食我地都仲可以用手攞，但蟹粥真係唔知點食。
甜品 - 甜品有兩款包括196手工薑茶芋圓；196手工芋圓豆腐花，唔想講，只係建議大家唔洗試亦都唔好去試。
☕️🍵🥤🧋🍺🍷🥃🍹🧉🍾🍶🥛
飲品 - 任飲飲品有黑糖珍珠系列；芝士奶蓋；罐裝汽水任飲，另外加錢仲可以飲花雕酒同啤酒，不過食蟹飲啤酒驚會太涼，所以就無加了，我地只係試左冬瓜茶同罐裝汽水，冬瓜茶都正正常常嘅。
🍽環境：餐廳環境似係一間普通西餐廳咁，有4~5張4人枱同兩排卡位，餐廳坐位本身都鬆動，但如果食蟹就顯得有少少迫，坐得都辛苦，衛生程度都ok，正正常常咁。
🤵🏻🤵🏻♀️🤵🏻♂️服務：職員服務態度都唔錯，不過只可食88分鐘真係有d趕，我見到其他枱有漏單/比客催單嘅情況，但好彩我地就無遇到，refill蟹都係2~3分鐘內就會上到，速度都算快。
💰💸價錢：計埋加一埋單大約$650一個人，都唔算貴但又唔算太抵食，以出面佢地呢d size一隻大閘蟹賣$100左右，食到6~7隻就可以回本，再食就有賺，不過都係個句，88分鐘真係有d趕，所以要食快d先抵。
🐲💬總結：我覺得以呢個價錢，食一餐靚自助餐都夠，會多d食物種類揀，同埋坐得/食得舒服d，唔會咁趕，但今年仲未食大閘蟹所以點都要食返次，如果大家係拆蟹高手，食得快，都可以推介大家過嚟試下。
推薦指數：❤️❤️❤️🤍🤍
張貼
