Ramen Yaichi (已結業)

主打醬油拉麵嘅八一拉麵已經重新裝修換上木系日本風同埋加咗高櫈，一改立食拉麵風格。湯底係由連續5年喺大阪排名第一嘅拉麵達人松村貴大主理，用上唔同嘅醬油混合、提煉，再加入多款貝殼類海產熬製。今次再嚟就係試佢地個新出限定櫻花蝦海鮮拉麵X清酒setSet入面包括蝦醬油海鮮拉麵、醬油煮廣島蠔、同埋一杯溫熱清酒。店員會係高檯中間嘅通道派送拉麵，一上檯第一時間係聞到清酒嘅清香。店員建議先飲清酒送蠔，再食拉麵。廣島蠔香甜嫩滑，餸清酒真係好夾，好有居酒屋feel。之後開始食麵，食得出係蝦湯混合醬油嘅味道，係甘甜的。配料仲有蜆同埋青口。麵質比較普通，建議order時叫硬麵。最後連湯都飲埋，食個人暖笠笠，比起淨係食麵，先飲杯酒滿足感更大。