華記南丫島雞蛋仔 (已結業)

12月31日, YEAH~~~ 幸福歡渡咗整個2O11年!!! 喺大除夕嘅今日, 我地就去咗南丫島, 向住我地話過要去一次嘅風車山出發~~~::: 超大魚蛋 ::: $14見到呢個魚蛋大得咁離譜, 連平時少食魚蛋嘅呀菲都忍唔住買咗串試下! 一串三大粒, 亦唔係一般魚蛋嘅圓形, 有一邊係尖尖地~ 以前都食過d特大魚蛋, 感覺好似d發水丸咁, 咬落就好似一團粉咁… 不過呢到嘅魚蛋又無咁嘅問題喎! 口感相當彈牙~ 無乜魚味, 反而覺得有少少墨丸味! 作為街頭小食其實都幾得意~ 不過就油膩得滯, 一路咬個咀好似搽緊潤唇膏咁, 勁油!::: 雞蛋仔 ::: $12既然舖頭咁大膽以南丫島雞蛋仔起名, 我地又即管叫一底試試~ 由於佢即叫即整, 所以都要等一陣… 新鮮出爐熱辣辣嘅雞蛋仔望落十分對辦, 最頂係薄薄一層脆皮, 中間有空心, 最底層係蛋糕~ 聞落亦十分香蛋味! 不過食落味道就好一般… 蛋味甜味都薄弱, 仲食到有少少梳打粉之類嘅苦味… 同之前喺大澳食過嘅炭爐雞蛋仔真係爭得遠!好意外地, 以雞蛋仔打頭陣嘅華記小食店, 魚蛋味道比雞蛋仔優勝. 不過其實兩款小食都只是不過不失~ 南丫島仲有好多好野食