絕味

營業中

休息中

一直都好想會一會佢！重記得第一次膽粗粗叫左個麻辣鴨翼！過癮！一試難忘！今日同友人行經講起～～辣癮發作！朋友話識食其實係食埋盒麻辣蓮藕，腐竹同毛豆！二話不說～即買兩盒～夜上宵夜啤啤佢！終於點定等到宵夜一打開！果然好香～一食蓮藕！嘩～真係正！佢係有啲「腍腍糯糯」既口感！麻辣味依舊出色！腐竹又係超岩得口味！佢唔係好林個種！少少硬硬地偏乾身！想食麻辣汁一定要叫佢！😂🤣再試唔記得影相既毛豆！好入味，入味到想連殻都食埋，不過就略亂豆太小粒。如果我一食可以要食三盒先過到癮！一路食，我一路啤一啤，一路睇下綜藝！人生一大樂事。又肥幾磅。正丫！