Quartet (已結業)

同老爸子打賭贏左，又有飯食。本來想食長沙灣既xx郎，但冇位。轉移陣地到荔枝角既D2 place，但都冇位。老爸子此時想起對面既工業大廈好似有間西餐廳，於是前往一探究竟。餐廳唔係以前間餐廳，但都好似有返啲野食。本抱著一試無妨的心態，卻彷如發現了大隱隱於市的一份寶藏。-首先係沙律同自家製麵包，沾醬有油醋醬同同樣都係自家製既柚子醋。柚子醋酸酸甜甜既味道非常適合清爽既沙律，而油醋就同鬆軟既麵包配合得不錯。然後就係頭盤，我地都揀左parma ham with melon & strawberry aioli。整體鹹甜搭配均勻，相當開胃。擺盤相當有心思。然後就係主菜喇，老爸子嗌左個羊配Caesar salad，整體羊味十足，肉質幾鮮嫩。我就嗌左個牛，都係牛味十足，且整體調味十分不錯。甜品就係普通既啫喱。整體環境幾舒服，係值得再去既！