影片
更多
2017-07-06
77 瀏覽
尖東的希爾頓大廈，唔知幾時開左好多食肆 我同朋友話，係尖東做左咁多年都唔知呢度有2樓同開左咁多食肆 朋友話，呢度以前係夜總會黎架，你當然無黎過啦 (又係喎，白痴左添~~HAHA ) 其中一間大隱隱於市的，就係呢間開係2樓的居酒屋 花月居酒屋 Hanatsuki Izakaya 整個居酒屋都係以木為主的日式裝修~ 一入黎已經見到呢個壽司吧頭~ 師傳好努力做緊野呀~ 我覺得佢似日本人囉~HAHA ~ 是日好早黎到，無乜人，大家都應該仲未收工 (香港人幾慘呢~) 平時去開既居酒屋感覺都係細細間 但呢度佔地好廣~ 位同位之間仲好闊落，唔使迫迫下~ 背貼背~ 牆上的POSTER 加埋播緊既日本音樂，一閃神，真係以為自己去左東京~ 唔好講笑，真係好似去左東京咁，因為是日精選...............全部寫日本~@@ 想食好野，唔識睇，真係要問問店員架~~ 不過其他推介都有中文既~XD 話明居酒屋，又點會無酒，呢度既酒都好多選擇架～ 一開始，當然要食個 靚野先~ 是日精選 SASHIMI HKD 290 呢個Sashimi 亦可以話係季節限定 因為係廚司會按當日有咩新鮮貨返而定
我同朋友話，係尖東做左咁多年都唔知呢度有2樓同開左咁多食肆
朋友話，呢度以前係夜總會黎架，你當然無黎過啦
(又係喎，白痴左添~~HAHA )
其中一間大隱隱於市的，就係呢間開係2樓的居酒屋
花月居酒屋
Hanatsuki Izakaya
整個居酒屋都係以木為主的日式裝修~一入黎已經見到呢個壽司吧頭~
師傳好努力做緊野呀~ 我覺得佢似日本人囉~HAHA ~
是日好早黎到，無乜人，大家都應該仲未收工(香港人幾慘呢~)
平時去開既居酒屋感覺都係細細間但呢度佔地好廣~
位同位之間仲好闊落，唔使迫迫下~ 背貼背~
牆上的POSTER 加埋播緊既日本音樂，一閃神，真係以為自己去左東京~
唔好講笑，真係好似去左東京咁，因為是日精選...............全部寫日本~@@想食好野，唔識睇，真係要問問店員架~~
不過其他推介都有中文既~XD
話明居酒屋，又點會無酒，呢度既酒都好多選擇架～
一開始，當然要食個 靚野先~是日精選 SASHIMI
HKD 290
呢個Sashimi 亦可以話係季節限定因為係廚司會按當日有咩新鮮貨返而定~
刺身一上枱，嘩，好靚呀，望落塊塊都好有光澤感
直頭係FEEL得到既新鮮~
當日既貨我都比較少食~
店員仲教我地食既前後次序添~首先要食既係淡味既鱸魚，之後可以食其他魚~
鱸魚的味道比較淡，肉質亦較鬆散
金目鯛 好似大眼雞咁，師傳用火槍炙過表皮。肉質較實，味道亦較濃
亦係我最鐘意食的~
鯖魚平時燒就食過，切身就第一次食啦~平時烤既時候，D肉都幾實
但刺身估唔到肉質變得好柔較，而且無烤個陣魚腥味~XD
(魚腥味呢個真係純屬個人感覺啦)
三文魚就勁厚切同好肥美
食完刺身，當然要黎個居酒屋必食 ~ 羽手~
芝麻雞翼
HKD 48
雞翼，好少話難食，但好食亦唔係咁易呢間既雞翼就真係好有水準
皮係薄薄一層，但勁脆~
炸過後的肉質仍然很JUICY入面既肉亦有醃過既味道，唔係淡而無味~
拖羅蓉細卷
HKD 75
開頭以為真係細卷但估唔到，有咁多拖羅蓉呀~
真係同D細卷一樣咁厚~
而且，係堅蓉，點解可以打到咁幼滑架~
每食一啖蓉入口，都感覺到佢正在舌尖上溶化，滿口魚香~ 真係唔捨得吞落肚~@@食完軟，再黎個脆
炸雞軟骨
HKD 46
平時食雞軟骨，都會食到好攰，因為一黎有D真係堅細粒
二黎會炸到好硬好實
呢度既雞軟骨真係寧舍唔同，可以用鬆脆黎形容~炸粉好薄，軟骨好脆，而且每粒軟骨都好大粒下
真係改寫左我對雞軟骨的觀感架~
最後一個清酒煮大蜆
HKD 78
蜆係根據每日既返貨而定
今日就用左沙白~
蜆肉的話，真係好細粒~不過好彩既係都幾鮮甜，而且粒粒都有肉，唔會成堆殼但無肉~
我反而鐘意佢既湯底同伴菜 個湯底真係好正，仲有少少清酒味係度，混埋紫菜同大葸絲一齊食， 我覺得仲吸引過個蜆呀~
是日同朋友都唔想飲酒，叫左2個梳打HKD 40/CUP
紅色的是白桃汁梳打，有好香的桃味
我的乳酸梳打，味道偏淡，唔太酸~
2款梳打基本上都唔太甜，味道好輕盈飲完罪惡感都少D~ HAHA
平時去居酒屋，都係食串燒，炸物多
估唔到呢度竟然有咁正的刺身食
而且其他食物的水準都好高
相信定有不少回頭客支持~
題外話/補充資料：
位置少僻，都幾難搵
(以上食評乃用戶個人意見 , 並不代表OpenRice之觀點。)
張貼
