食口福 (已結業)

工作關係，嚟到石籬呢附近，據我表妹推介，佢話呢間餐廳嘅炸雞髀飯好有驚喜，所以就特登入咗嚟試。餐廳唔算難揾，佢係一間開係路邊嘅舖頭，亦係一間比較舊式嘅自助型快餐店。當我見到店員拎出嚟嘅炸雞髀，真係俾佢嚇一嚇，原來真係好大隻！仲要炸到好金黃，睇見就想食！拎到返埋位品嘗嘅時候，發覺雞髀嘅皮好脆，入邊啲雞俾肉仲要好滑！餐後感：估唔到呢一間店仔竟然有咁好食嘅炸雞髀！價錢仲要幾實惠，大概$50左右就包埋湯同飲品，當然佢仲有其他嘢食啦，不過我相信下次嚟到都係會叫返呢個炸雞髀餐。