Slluks T2 (已結業)

今日係旺角食飯。食完之後唸住去波鞋街搭小巴返屋企。點知突然落好大好大雨，又行雷又閃電。途經登打士街見到有間買飲品店舖。店舖都幾闊落, 唯有入去避吓雨。入到店舖見到d攞設幾得意。有2個大嘅卡通紙板公仔。又有一排類似陶瓷公仔。引唔住影吓相。原來呢間店係新開嘅, 有兩位職員, 佢地好好人呀! 又有禮貌.入到店舖冇理由淨係避雨咁衰啦！望望有咩飲。見到一排寫上英文名嘅飲品。原來係新鮮水果茶。都幾大杯的。除咗水果茶仲有果蓉茶及咖啡。我同朋友都係揀水果茶我揀Jimmy~芒果/橙/菠蘿/百香果整杯茶充滿水果香味。 尤其是係百香果味比較濃。芒果/橙/菠蘿都好新鮮。而且亦唔會調較太甜。夠冰涼朋友揀咗Tony~紅肉火龍果/橙/芒果。紅紅嘅水果茶，同樣充滿果味。但呢杯味道比較平均。