芝味鳥 (已搬遷) 新店位置

呢日都唔知做乜，出面落好大既雨。就算點大雨都要食野架，咁就入左黎呢度啦。可能放暑假既關係，人流無之前既咁多。都好既，坐都可以坐得舒服。忌廉湯呢個就無乜特別，不過個湯都算幾好飲。最小唔係麵粉湯啦。炸雞呢個次次黎都會食既，炸雞皮脆肉嫩。不過食完真係好熱氣啊，但真係好好食。焗豬扒飯次次叫焗野既決定都唔會錯得去邊，呢個飯又幾好食。飯係好煙韌，而且豬扒好大件。雖然無成尺長，不過味道都唔差。算係咁啦。大眾化既價錢食到咁既質素既食物，真係日日食都係唔錯既選擇。