緣聚鮮鍋 (已結業)

天氣一凍，就係會食好多嘢！今次就一次過食日式壽司、刺身放題，再加火鍋自助餐，二百蚊嘅價錢可以滿足唒以上所有要求，尤其係同老人家及細路仔去食，佢哋又唔食得幾多，所以呢種自助晚餐真係最化算！選擇有多，佢哋會食得特別開心。刺身款式算多，但係要排隊自取。勁多啱小朋友食嘅壽司、卷物款式，仲可以自製手卷。熟悉款式都唔少，炸雞燒賣、碗仔翅，街頭小食一應俱全。佢嘅甜品區、飲品區好多款選擇。婆婆飲咗好多果酒、阿公同我主攻啤酒，小朋友最開心，果汁汽水任飲。火鍋配料自動手機點菜，最好食嘅牛肉、羊肉同貝殼類都唔錯，其他在自助吧裏取的蔬菜、菇菌類、丸類同麵食都好多，根本完全試唔唒。食飽曬再食甜品同雪糕，雖然不是名牌雪糕，但勝在味道選擇多，總有一款啱你口味。