影片
更多
2015-08-07
567 瀏覽
約都無咁啱呢！本打自己一個人走上黎食個孤獨點心餐就返屋企自閉，點知幸運地碰見美女朋友仔！約就約唔到架喇，坐低撐個枱腳啦！全肉點心蒸飯餐啱晒我，但多左位美女就叫個菜食啦！我一個人都食一盅飯五個點心啦，今次兩個人點心加蒸飯同燉湯只係十樣之麻，哈哈！曉廚荷香糯米雞，嘩！巨人版多料到您唔信，大大舊叉燒、大大舊雞柳、大量蠔汁肉鬆、少少咸蛋黃。唔好睇少嗰少少咸蛋黃，令整個糯米雞生色不少，顏色更豐富、香味更精彩、味道更多樣化。清香荷葉味道已完全滲入糯米飯當中，嚥韌飽滿糯米飯黏黏的，搭上每款不同既配料，係齒縫間奏出不同悅耳既樂章！太美味，食到乾乾淨淨，刮到荷葉都差不多爛喇！農家煎蛋牛肉飯，細心地可揀太陽蛋或全熟蛋，連窩蛋都可以，讚讚讚。因為飯同餸都填得飯盅滿滿的，雖然曉廚無油紙供應，不過可以分落碗仔將雞蛋牛肉豉油撈得更均勻。流心蛋醬甘香無比，包裹著彈牙牛肉同香飯不停輸送入口，牛肉帶檸檬葉誘人既味道，彼此打得火熱，正！蒜香鮮蝦長春卷，新奇長長既春卷非常奪目出眾，一望就想試試，咩料呀？從來未食過超級濃厚蒜香味，比一般蒜香春卷濃一倍呢！配上酸甜喼汁，意外地十分合拍，蒜香更突出，甜酸味可減去油膩感，炸得金黃卜
約都無咁啱呢！本打自己一個人走上黎食個孤獨點心餐就返屋企自閉，點知幸運地碰見美女朋友仔！約就約唔到架喇，坐低撐個枱腳啦！全肉點心蒸飯餐啱晒我，但多左位美女就叫個菜食啦！我一個人都食一盅飯五個點心啦，今次兩個人點心加蒸飯同燉湯只係十樣之麻，哈哈！
曉廚荷香糯米雞，嘩！巨人版多料到您唔信，大大舊叉燒、大大舊雞柳、大量蠔汁肉鬆、少少咸蛋黃。唔好睇少嗰少少咸蛋黃，令整個糯米雞生色不少，顏色更豐富、香味更精彩、味道更多樣化。清香荷葉味道已完全滲入糯米飯當中，嚥韌飽滿糯米飯黏黏的，搭上每款不同既配料，係齒縫間奏出不同悅耳既樂章！太美味，食到乾乾淨淨，刮到荷葉都差不多爛喇！
農家煎蛋牛肉飯，細心地可揀太陽蛋或全熟蛋，連窩蛋都可以，讚讚讚。因為飯同餸都填得飯盅滿滿的，雖然曉廚無油紙供應，不過可以分落碗仔將雞蛋牛肉豉油撈得更均勻。流心蛋醬甘香無比，包裹著彈牙牛肉同香飯不停輸送入口，牛肉帶檸檬葉誘人既味道，彼此打得火熱，正！
蒜香鮮蝦長春卷，新奇長長既春卷非常奪目出眾，一望就想試試，咩料呀？從來未食過超級濃厚蒜香味，比一般蒜香春卷濃一倍呢！配上酸甜喼汁，意外地十分合拍，蒜香更突出，甜酸味可減去油膩感，炸得金黃卜卜脆，夾雜著爽口鮮蝦，very nice！
豉椒蒸排骨，半肥瘦、肉多骨少、香甜味美味、juicy 有咬口，贏晒啦！雖然未及大埔林記同新明發，不過已經好高水平喇。
豉汁蒸鳳爪，損腳指我一向麻麻地，不過美女好喜歡，我就捨命陪君子啦！豉汁醬油味濃厚而甜甜的，緊緊黏住整隻鳳爪，芡汁薄返少少更好，鳳爪炆得夠腍，一啜甩骨。
水晶蝦餃，即叫即蒸誠意可加！新鮮出爐無得輸，熱辣辣香噴噴，蝦鮮又爽又美味，餃皮滑而彈，正正正！
黑松露醬燒賣，依家無左蟹籽燒賣喇？無緊要，最鍾意試新野！豬肉味香濃，結實彈牙多肉汁，而且仲滲出淡淡黑松露清香味道，好味啊！
砵仔咖哩魷魚，夠晒香濃又好鬼惹味！依個咖哩就算撈飯都唔會失禮呀，魷魚超級爽口，一碟兩個分唔夠喉添，好事成雙叫多碟。
蒜蓉炒菜芯，一大輪搏鬥後可以小休片刻，食個清甜炒菜先。菜葉鮮嫩多汁，充滿水份，爽到索索聲，加埋炸蒜就更加香口啦。
黨蔘淮山花膠燉雞湯，花膠呀！膠質已完全溶入湯汁之中，好爽口！特濃雞湯，湯汁膠口帶黨蔘甘味加淮山甜味，火喉十足又夠晒補，飲完興㷫㷫！
張貼
