Between (大館) (已結業)

[ Between Coffee ]嚟到中環大館，除咗感受文化&藝術氣息，當然要搵嘢食醫肚。今次介紹呢間coffee shop係大館入面嘅賽馬會藝方，除咗咖啡，仲有啲輕食&甜品選擇，環境好舒服兼好啱打卡♥️✿ 雞肉/椰菜絲/海帶蛋黃醬三文治 🥪🥪$68一份三文治有兩件。雞扒炸粉薄而脆，厚厚嘅雞扒肉質唔會太乾，配埋沙律醬&椰菜絲幾滋味。✿ 大蝦蝦蕃茄意粉🍝🍝$158 意粉款式不定時更新，用餐當日order咗呢款意粉。大蝦彈牙🦐，櫻花蝦蝦味都好香，意粉爽口，但蕃茄味🍅可以再多啲就好。✿ 士多啤梨三文治 🍓🍓$68呢度嘅甜品係必點！日本流行嘅水果三文治，呢度有得食，幾乎每枱都會order😍 士多啤梨三文治好打卡able，士多啤梨都好新鮮。三文治有濃郁芝士味，整體不錯。✿ 抹茶鮮奶 🥛熱$48/凍$50Menu有好多款飲品選擇，除咗手沖咖啡及特色咖啡雞尾酒，仲有朱古力、茶類&梳打等選擇。抹茶控可以試下抹茶鮮奶🍵🍵總結🫦咖啡店嘅環境&食物都好適合打卡。咖啡店室內面積好大，另設有室外座位，可俯瞰整個大館景色，打卡一流，不過宜家去坐室外應該會有d熱😅。注意咖啡店逢星期一休息喔。✿✿✿✿✿✿✿✿✿✿✿✿