韓家莊韓式燒烤 (已結業)

放工鬆一鬆，涼涼地去食個韓烤先醒起佐敦新開左間韓家莊韓式燒烤，一於去試下先入座後，立即出去睇吓有咩食先，實在太豐富，涼拌已經有12款，酸蘿蔔絲酸甜適宜有少少辣辣地，白菜仔有麻油香，泰式鳳爪醃得入味，韓式泡菜及蘿蔔，味道剛剛好，不會太辣，順便去飲品櫃拎我鍾意飲既韓式忌廉溝鮮奶汽水同啤酒，同老公啤啤佢先食完涼拌之後，就食一啲熟食先，熟食都有好多選擇，有泰式冬陰公湯、炸薯餅、炸雞翼、炸煎堆仔、牛尾骨、韓式炒粉絲、咖喱炒蟹、炒蜆、壽司、魚生、龍蝦沙律、東風螺，食完熱葷已經飽左一半，不過仲有30樣烤肉，蔬菜，點可以咁快停手呢最基本的有羊肉、牛肉、豬扒、雞肉、雞翼、牛仔骨、鴨腎⋯但我推介大大條魷魚鬚，爽口彈牙，仲有大大隻海蝦，肉質鮮甜，食咗太多肉，要食番啲蔬菜，南瓜香甜，翠玉瓜新鮮，少不了喜歡的雞髀菇及茄子。食到肚都脹埋，但仲有甜品及生果，最驚喜有部棉花糖機，有得玩又有得食呢度值得讚既係，肉類味道醃得剛剛好，種類多，地方整潔（因為曾經去過一些任食的燒烤店，地下是很油很滑，食物雜亂），坐位間空間足夠，員工們亦有禮貌