拾う月

營業中

休息中

朋友介紹話新蒲崗廣場有間泰菜加日本菜，第一次去果陣，見到個商場真係好功能性，有清晰目標先會去，例如搵食。商場入口右邊搭lift上二樓會容易啲，見到大魚缸就係。枱同枱之間都有啲距離，同朋友嚟傾下偈食飯都舒服。日式泰式 menu 一次過比晒你，之前食過泰國菜，今次食日式。天氣有啲熱，朋友未到叫咗杯茉莉花梅酒飲住等，唔太甜又香，我哋坐咗好耐，各自都飲咗幾杯。叫咗兩個丼飯，好新鮮，賣相幾靚，加$8有湯有沙律，而且服務好，可能唔算太多人，我哋食完唔走傾下偈都仍然好勤力添茶。新蒲崗廣場隔離有停車場，不過好似好少位，泊 Mikiki 行過去五分鐘左右。