豚燻 (已結業)

拋下書包先，呢間拉麵喺門口就寫名係橫濱派系的拉麵，咁嘅拉麵係啲乜嘢嚟嘅呢？嘿嘿，原來橫濱家系拉麵的特色之一是長時間熬製並加上大量雞油的豬骨醬油湯。您亦可以根據個人喜好選擇拉麵的濃度、油量和麵的韌度，再配上基本的 3 片紫菜、菠菜和豬肉片。(我係咪好醒先^_^)之前真係未食過呢一種拉麵，今次係第一次試，首先就叫咗個最基本嘅豬骨湯拉麵。揀咗濃味，幼麵。碗麵上面真係不多不少咁樣有3塊紫菜，亦都有啲菠菜喺度。果然係正宗嘅橫濱家系列拉麵！相比起其他派系嘅拉麵，呢隻豬骨湯嘅拉麵個豬骨味道唔算好濃，但多咗少少雞油嘅香味，濃度屬於中等。但係呢個面勝在配菜夠多，上面嘅木耳，菠菜，蔥花，紫菜非常之豐富！另一個就叫左個雲浮拉麵，淨係聽個名都已經夠晒意境，咁究竟雲浮係一啲乜嘢嚟嘅呢？原來雲浮就係--海膽。之前成日提起海膽都覺得同呢兩個字係不相干，但而家諗諗吓，海膽真係幾似一舊舊雲，而且係有好雲一齊搭住。呢個雲浮拉麵就即係有海膽嘅拉麵，超多海膽，起碼有半板。而且仲有好蜆喺拉麵底，入面起碼有16隻。食落去個拉麵未除咗有蜆嘅鮮味之外，仲有少少似豬骨湯味。海膽味濃，屬於上貨。配料多，款式多。整個配搭好特別，好有特色。