天丼 (已搬遷) 新店位置

天丼即是碗上的下層係白飯，而上層係天婦羅，再配上甜甜的天婦羅汁！而天婦羅定食就係天婦羅同白飯係會分開上，另外會有啲蘿蔔蓉配天婦羅汁！兩種做法有啲唔同，二兩種做法我都喜歡食！我叫了一個巨星天丼，有虎蝦，帆立貝，魷魚，四季豆等...薄薄的天婦羅漿，炸出來的天婦羅唔會厚，非常好，而且好新鮮熱辣辣，即叫即炸！我另外仲叫了一碟枝豆和抹茶布甸，枝豆有少少失望，因為我想像中是熱的，這個枝豆是凍的！抹茶布甸嘅顏色有啲似薄荷味😂😂食落去都幾香濃的抹茶味！