君滬鍋貼大王 (已結業)

最後一次行黎上水店，熾天使都有火，燒到烚烚聲﹗話說我企係門口對住個爐度已一兩分鐘想買鍋貼，幾個大陸侍應大嬸完全當睇我唔到！其中一位非常風趣，直頭刻意擰轉面，用個籮友對住門口，您係勁既！算數，唔關我事。我唯有叫最近那位收錢大媽，唔該幾聲都扮聽唔到，舉世無雙！好巴閉咩，您估得依度有鍋貼食嗎？我依家就唔食您地 $11 蚊幾隻受氣鍋貼，去幫襯隔離街上海小館 $60 蚊熱辣辣小籠包﹗前幾次買外賣都係位四眼叔叔禮貌地招呼，今晚叔叔可能放假掛。