影片
更多
2021-04-02
1488 瀏覽
平時我去諾士佛台多數happy hours飲下啤酒，今次帶大家去樓上舖食豐富Omakase，宜家仲做緊優惠好抵食~餐廳環境簡潔，有刺身吧檯及4座位，今日食Omakase 就坐吧檯望住師父上菜吧食日本菜我必需要飲清酒，先揀隻杯，呢隻杯一倒酒就會出現櫻花㗎首先要講下個天使炸彈，真係好澎湃又吸睛，底層係壽司飯+拖羅蓉、中拖羅、北海道海膽、火炙大拖羅，層層疊咁上，多層豐富口感，但我口細要分開食，聽師父講有人一啖就食哂，係另外叫及要預訂喔至於Omakase都好精緻擺盤又靚，先上頭盤富山灣螢光魷魚、黑梅貝、炸公魚，本身好鍾意食魷魚，呢款味道特別香濃比較黏口，仲有都愛海螺嘅鮮甜九繪魚刺身，比較爽身有口感，仲配上竹炭鹽及酸咪咪梅酒啫喱增加魚鮮味金目鯛本身肉質嫩滑魚皮帶爽韌，再配埋滑嫩香甜北海道海膽，另配埋芽蔥煎酒汁同食象拔蚌刺身用咗岩鹽板上，仲有青檸喔，爽口彈牙嘅象拔蚌，放喺鹽板刷幾下先食特別鮮甜呢個好難先返到貨嘅葡萄蝦，呢到都有喎，葡萄蝦非常新鮮，膠質好重又漿口，最特別係配上醃過嘅蛋黃醬及蝦籽烘過嘅烏魚子，香口濃郁，再配埋清甜大根及長腳蟹肉，成個姐合好夾呢到仲食到美味到極嘅小長井真蠔，爽脆中帶cre
平時我去諾士佛台多數happy hours飲下啤酒，今次帶大家去樓上舖食豐富Omakase，宜家仲做緊優惠好抵食~
餐廳環境簡潔，有刺身吧檯及4座位，今日食Omakase 就坐吧檯望住師父上菜吧
食日本菜我必需要飲清酒，先揀隻杯，呢隻杯一倒酒就會出現櫻花㗎
首先要講下個天使炸彈，真係好澎湃又吸睛，底層係壽司飯+拖羅蓉、中拖羅、北海道海膽、火炙大拖羅，層層疊咁上，多層豐富口感，但我口細要分開食，聽師父講有人一啖就食哂，係另外叫及要預訂喔
至於Omakase都好精緻擺盤又靚，先上頭盤富山灣螢光魷魚、黑梅貝、炸公魚，本身好鍾意食魷魚，呢款味道特別香濃比較黏口，仲有都愛海螺嘅鮮甜
九繪魚刺身，比較爽身有口感，仲配上竹炭鹽及酸咪咪梅酒啫喱增加魚鮮味
金目鯛本身肉質嫩滑魚皮帶爽韌，再配埋滑嫩香甜北海道海膽，另配埋芽蔥煎酒汁同食
象拔蚌刺身用咗岩鹽板上，仲有青檸喔，爽口彈牙嘅象拔蚌，放喺鹽板刷幾下先食特別鮮甜
呢個好難先返到貨嘅葡萄蝦，呢到都有喎，葡萄蝦非常新鮮，膠質好重又漿口，最特別係配上醃過嘅蛋黃醬及蝦籽
烘過嘅烏魚子，香口濃郁，再配埋清甜大根及長腳蟹肉，成個姐合好夾
呢到仲食到美味到極嘅小長井真蠔，爽脆中帶creamy
底層係用蘋果木去煙燻拖羅，好重煙燻味又香，再配埋柚子麵豉醬食
火炙鰹魚跟平時食開一樣，一樣都燻過，另配蔥花蒜蓉有點辛辣味道，另夾蒜片乾食，而士多啤梨就清清口腔
煮物係鰆魚配小青椒豆腐冬菇，這個味道不錯
到握壽司四走了，先有富山灣白蝦，蝦身漿口味道清甜
鳥貝好新鮮鮮甜，經師父一拍更爽口
仲有平正魚及火灸過嘅赤鯥魚，兩者不相伯仲，一樣喜歡
之後來一配大蜆清湯，大大隻蜆啖啖肉又鮮甜，湯身行清甜路線唔算好濃，夠哂熱辣辣
最後有濃濃嘅綠茶豆腐花，茶身回甘美味，豆腐花亦很嫩滑
呢餐簡直不得了超好食，宜家好低食啊，第二位半價咋平均$1500位，都好豐富又多嘢食
張貼
