影片
更多
2021-06-25
10 瀏覽
猶記得以前去大阪想去食串炸，家姐一句話不如正正經經去食天婦羅或者炸豬扒好過就打消左念頭，今晚食完先發現串炸係另一個新天地，當年真係走咗寶。天使蝦 ($68)第一眼都覺得平平無奇，咬開就見到肉質紮實彈牙，一梳梳既蝦肉咀嚼之間食到濃郁嘅蝦味。 炸粉完全唔厚得黎炸得好透，連條尾都食埋。 估唔到最矜貴之處係蝦頭超正，蝦膏勁香勁甜，一啖放落口好滿足。店員好主動推介六月優惠，只要like 社文平台就可以用一蚊優惠價加一串，做埋會員仲可以成個Menu九折。 食完天使蝦之後二話不說用一蚊加咗串，可以揀全場最貴嘅串炸，仲要同正價成品一模一樣，抵到爛。日本帶子 ($48)賣相超級正，大量沙律醬同三文魚籽嘅組合冇可能唔好食。 帶子本身已經好出色好鮮甜，上邊嘅醬汁反而濃味咗少少，所以最後分開食，更加食到帶子出眾既甜味。日本蠔 ($58)同平時食開嘅炸蠔完全唔同，完全唔腥就基本啦，重點係未食就見住啲蠔汁流出黎，未食過咁Juicy嘅炸蠔，好正。鹽燒牛舌 ($98)做到平時牛舌心嘅水準，爽口彈牙有牛味，仲好厚切惹味。荷蘭豚肉卷 ($42)豚肉好多汁有肉味，芝士仲爆哂出黎，不過餡料嘅味道唔係好突出，失色咗少少。鵪鶉髀
天使蝦 ($68)
第一眼都覺得平平無奇，咬開就見到肉質紮實彈牙，一梳梳既蝦肉咀嚼之間食到濃郁嘅蝦味。 炸粉完全唔厚得黎炸得好透，連條尾都食埋。 估唔到最矜貴之處係蝦頭超正，蝦膏勁香勁甜，一啖放落口好滿足。
店員好主動推介六月優惠，只要like 社文平台就可以用一蚊優惠價加一串，做埋會員仲可以成個Menu九折。 食完天使蝦之後二話不說用一蚊加咗串，可以揀全場最貴嘅串炸，仲要同正價成品一模一樣，抵到爛。
日本帶子 ($48)
賣相超級正，大量沙律醬同三文魚籽嘅組合冇可能唔好食。 帶子本身已經好出色好鮮甜，上邊嘅醬汁反而濃味咗少少，所以最後分開食，更加食到帶子出眾既甜味。
日本蠔 ($58)
同平時食開嘅炸蠔完全唔同，完全唔腥就基本啦，重點係未食就見住啲蠔汁流出黎，未食過咁Juicy嘅炸蠔，好正。
鹽燒牛舌 ($98)
做到平時牛舌心嘅水準，爽口彈牙有牛味，仲好厚切惹味。
荷蘭豚肉卷 ($42)
豚肉好多汁有肉味，芝士仲爆哂出黎，不過餡料嘅味道唔係好突出，失色咗少少。
鵪鶉髀肉 ($58)
起咗骨啖啖肉，有肉汁得來食到鵪鶉嘅鮮味。
日本鱔魚 ($48)
同想像中嘅唔同，佢唔係彈牙嗰種肉質，反而係似炸穴子嘅鬆散口感。 雖然同預期唔同，但都有魚味。
凍蕃茄 ($68)
極爽脆鮮甜，媲美出邊食到嘅生果級蕃茄。
炸雞翼 ($58)
入味多汁，炸得幾好，雞翼尖都唔會乾。
關東煮 ($118)
食得出無論係用料定調味都係自家製，尤其鍾意年糕福袋，腐皮好入味，連湯都想飲埋。
一路食一路對每一味都好滿意，點晒頭成餐都讚緊有幾好食，絕對有試完一次就一定有回頭嘅水準。
張貼
