影片
更多
2018-03-11
1972 瀏覽
早排去筲箕灣搵食，友人提議我試下位於寶文街海峰中心地下嘅「新光燒鵝餐室」，據說店裡的燒味，水準唔錯，尤其是燒鵝，不但皮薄肉嫩，而且肉汁豐盈，深受一眾街坊歡迎。不過由於當日夾唔到時間，所以未有到訪。後來聽朋友講，原來餐廳喺天后同灣仔都有分店，取名「棋哥」。咦，呢個名有聽過喎，據說這間燒鵝食店，人氣極旺，門外經常有食客大排長龍。趁這天剛好要來天后交收，辦完事後，就順道過嚟外賣兩個燒味飯盒回家，同小鬼兩個撐檯腳。餐廳門口貼有外賣燒味和燒味飯價目表，定價一目了然，由最平嘅單拼燒味飯 $48，到最貴嘅原隻燒鵝脾飯 $103。飯可免費轉瀨粉或米粉，配老火靚湯則需另加 $8，配咖啡或茶加 $5，凍飲就加 $8 。點了棋哥燒鵝飯 ($53) 同棋哥叉燒飯各一。燒鵝飯會附送酸梅醬，打開飯盒，燒鵝賣相不俗，鵝皮略帶油光，外皮燒得均勻，既脆口又薄身，酥香不韌，帶迷人煙燻焦香，而且熟度掌握得剛好，鵝肉多汁，肉嫩不攝牙，絕對有名店水準。菜心新鮮爽甜，配飯食可減低油膩感。至於棋哥叉燒飯 ($48) 方面，叉燒燶邊位雖然唔多，不過擺放得都幾整齊，厚切大件；而且醃料不會過鹹，肉質嫩滑，咬落具彈性，叉燒汁分量亦剛好
後來聽朋友講，原來餐廳喺天后同灣仔都有分店，取名「棋哥」。咦，呢個名有聽過喎，據說這間燒鵝食店，人氣極旺，門外經常有食客大排長龍。趁這天剛好要來天后交收，辦完事後，就順道過嚟外賣兩個燒味飯盒回家，同小鬼兩個撐檯腳。
餐廳門口貼有外賣燒味和燒味飯價目表，定價一目了然，由最平嘅單拼燒味飯 $48，到最貴嘅原隻燒鵝脾飯 $103。飯可免費轉瀨粉或米粉，配老火靚湯則需另加 $8，配咖啡或茶加 $5，凍飲就加 $8 。
點了棋哥燒鵝飯 ($53) 同棋哥叉燒飯各一。燒鵝飯會附送酸梅醬，打開飯盒，燒鵝賣相不俗，鵝皮略帶油光，外皮燒得均勻，既脆口又薄身，酥香不韌，帶迷人煙燻焦香，而且熟度掌握得剛好，鵝肉多汁，肉嫩不攝牙，絕對有名店水準。菜心新鮮爽甜，配飯食可減低油膩感。
至於棋哥叉燒飯 ($48) 方面，叉燒燶邊位雖然唔多，不過擺放得都幾整齊，厚切大件；而且醃料不會過鹹，肉質嫩滑，咬落具彈性，叉燒汁分量亦剛好，唯一係稍嫌肥叉部份偏油膩。下次要嚟堂食，試下店裡的燒腩仔同乳豬，水準如何。
張貼
