輕時光

營業中

休息中

工展會好多優惠，週末有假期當然與家人去閒逛一番。離開時沿住電氣道行去英皇道，發現電氣道附近有一間裝修好靚，裝修以自然風風格為主、好多清新植物嘅茶飲店——輕時光。行近見到原來主打健康水果茶飲，用上自家製桂花冰糖，不含化學添味劑。全水果製作，絕對係健康飲品好選擇，正好有點口渴，便買了2杯飲品。<芒果熱情果優格果昔> $40芒果同熱情果完美配搭，水果同乳酪形成嘅旋風扭紋幾打卡，芒果熱情果偏酸反而幾清新，甜度不高很耐喝。相信喺夏天飲會更開心。<藍莓優格蓋茶> $40店員推介我哋揀選佢哋嘅乳酪奶蓋茶，茶底挑選了桂花烏龍。第一啖先飲喺表面嘅乳酪，乳酪入口感厚身。加上香醇桂花烏龍同未完全打碎的藍莓粒粒，多重層次很飽肚。