味滿

營業中

休息中

今日喺天后試了一間傳統味道，清新簡約風嘅粥麵店～味滿，兩幅掛牆鏡，有點似髮型屋，配搭高腳櫈，又好似吧檯😅小店粥粉麵飯全部都有齊，很多熟客光顧，仲有一位叔叔在店內即場包雲吞， 證明係自家製作，腸粉都係即叫即拉，有點少驚喜 就是有生滾粥，我點了豬潤粥$47，粥底幾香滑，豬潤有好多片，非常足料。朋友點了豬手撈麵$52，可揀湯麵或撈麵，粗麵或幼麵，豬手腍滑，墊底嘅蘿蔔，索滿湯汁非常入味。另外點了蝦子唐生菜$26，脆脆炸兩$31，凍檸茶$10和金裝羅漢果茶$8。價錢貼地親民，下次經過會再來。