天后甜品 (已結業)

之前果篇講去左天后叫完生蠔, 跟手去左附近既天后甜品食糖水, 個價錢真係"天后"價呀!首先, 所有甜品都無標明價錢, 不過諗住一個龍眼椰果冰都唔會貴得去邊啦, 銅鑼灣聰嫂都係賣廿幾蚊, 所以都無話特別諗價錢好啦, 叫完, 原來要先收費。嘩! 4碗普通到唔普通加左個天后呀, 公主字, 即刻變貴價野! 要成40蚊碗, 4碗野一共$150丫喂雖然貴, 但係都洗濕左個頭, 都要比嫁啦~ 只要d 甜品ok 就得~可能係因為已經收到錢, 坐定粒六, 幾碗野要等成半粒鐘就有得食黎到...個龍眼椰果冰就真係冰黎嫁lor~ 係高身過聰嫂呀,但係唔好食..d 牙凍到薑左, 食左一半已經頭都痛埋唔可以再食另外果d 聽朋友講得個甜"字", 直頭甜到食唔到...呢間甜品真係以後都唔會再去, 又貴又唔好食~ 如果個廚房一次過唔可以multi-task 同handle 咁多野, 我建議唔好整埋串燒生意lor~商家真係淨係識諗計仔賺錢!