家居軒

營業中

休息中

疫情影響，少左出去食野，真係有啲疲勞。難得一個天氣咁好既星期日，唔出去真係好浪費，所以今日同老婆去大坑走返轉先🤗我地先去天后廟，然後再去搵野食，本來想試下🌋鹹蛋肉餅飯，但老婆有啲意見，因為佢好想飲茶🫖，早講嘛😅⋯行返出去英皇道，經過一間門面好低調既酒樓，通常呢啲都係高手，就會下佢🤣。呢間酒樓係地牢，係舊式酒樓但地方好闊落，老婆見到U形卡位即刻Bling Bling🤩。野食方面整體都唔錯，尤其是燒味，真係有驚喜(有幾押韻喎🤣)。開頭睇餐牌大中小點價💲，最貴都係廿幾蚊，心諗有冇咁平呀⋯ 原來好多點心係✌🏻件😅。大坑係一個美食角度，但飲茶🫖地方確實唔多，呢間大坑區代表，雖不驚艷但不遜色👍🏻。而我，真係會為左佢個✌🏻拼麵返黎🤩。