影片
更多
2017-05-02
128 瀏覽
我個旅遊達人friend之前一連去咗韓國首爾同泰國曼谷旅行，咁佢就好有心咁買咗少少手信比我，咁我為咗多謝佢，就請咗佢食一餐飯，我friend原本係plan哂去美國，但係最後因為簽證問題去唔成，所以今次就請佢食番漢堡包補數喇！今次就去咗天后食，餐廳叫Texas Burger，一入到去，餐廳唔算大，但係一睇餐牌，burger嘅種類都幾多，有成九款，我呢個食肉獸當然叫個香濃車打牛肉漢堡，又芝士又牛肉，一定幾好咁；而我個旅遊達人就叫個香脆鱈魚漢堡，因為佢好中意食鱈魚！當晩發生嘅其中一件趣事就係我同呀達人都竟然叫同一杯奶昔，就係"Beauty and the Peach"，係一杯由雲喱拿雪糕、蜜桃、蜜糖、草莓糖漿、忌廉同車厘子所整嘅特別奶昔，飲落味道都幾好，creamy得嚟又唔會好甜，好好味。首先嚟嘅係香脆鱈魚漢堡，就咁睇已經見到個鱈魚炸到金黃色，食落好脆，入面魚肉好嫩，漢堡包入面仲有芝士、生菜同個烤菠蘿他他醬，層次分明！而我個個香濃車打牛肉漢堡都好得，除咗用咗一塊六安士煙燻牛肉，仲有新鮮蕃茄片、生菜、融咗嘅車打芝士、脆芝士片同秘製醬汁，牛肉非常juicy同肉厚，有陣好香嘅煙燻味，個融咗嘅車打芝
今次就去咗天后食，餐廳叫Texas Burger，一入到去，餐廳唔算大，但係一睇餐牌，burger嘅種類都幾多，有成九款，我呢個食肉獸當然叫個香濃車打牛肉漢堡，又芝士又牛肉，一定幾好咁；而我個旅遊達人就叫個香脆鱈魚漢堡，因為佢好中意食鱈魚！
當晩發生嘅其中一件趣事就係我同呀達人都竟然叫同一杯奶昔，就係"Beauty and the Peach"，係一杯由雲喱拿雪糕、蜜桃、蜜糖、草莓糖漿、忌廉同車厘子所整嘅特別奶昔，飲落味道都幾好，creamy得嚟又唔會好甜，好好味。
首先嚟嘅係香脆鱈魚漢堡，就咁睇已經見到個鱈魚炸到金黃色，食落好脆，入面魚肉好嫩，漢堡包入面仲有芝士、生菜同個烤菠蘿他他醬，層次分明！
而我個個香濃車打牛肉漢堡都好得，除咗用咗一塊六安士煙燻牛肉，仲有新鮮蕃茄片、生菜、融咗嘅車打芝士、脆芝士片同秘製醬汁，牛肉非常juicy同肉厚，有陣好香嘅煙燻味，個融咗嘅車打芝士、脆芝士片同秘製醬汁好夾，一啖咬落去，食哂牛肉、芝士同醬汁，好滿足喔！
我個friend仲驚唔夠飽，佢仲叫多個路易斯安那什錦燴飯，有虎蝦、法國香腸、雞肉、洋蔥、辣椒、秋葵、香菜同蕃茄咁多材料一齊煮，食落好足料，好大碟，好香香草味，又海鮮又香腸，都幾抵食。
估唔到一間食burger嘅餐廳，其他嘢都幾好食，大家快啲去發掘下啦！
張貼
