影片
更多
2020-04-26
1201 瀏覽
呢間鋪頭真係好誇張，係未有疫情之前已經好多人排隊，而家因為呢個抗疫措施餐廳只係可以坐一半人，條隊係同以前一樣咁長，但係等候時間可以講多咗一倍，但都仲係咁多人排，因為呢間餐廳佢係夜晚唔開，星期日唔開，普通打工仔住附近就算住喺附近，都剩係得星期六可以去試到佢，同埋佢啲午餐性價比好高，佢啲扒既質素出去食分分鐘真係即一舊水嘅價錢，同埋佢個招牌蔥油豬扒飯，扒丹佛多士都係冇得輸，同埋下午茶吉列魚柳要仲大過你塊面，可惜我怕熱氣試唔到，呢間餐廳，我敢講係天后炮台山入邊性價比最高嘅茶餐廳，餐牌仲要成日有新菜式，未試過既去試試就知。好掛住佢個蟹膏蟹鉗焗飯同埋肉餅皇
張貼
