皇家印度咖哩屋 (已結業)

今次同朋友一行三人嚟到天后呢間印度餐廳食正宗印度菜，侍應同老闆都係印度人，要用英文點餐，最後叫左牛油烤餅（$22）、芝士烤餅（$28）、白腰果汁咖喱配羊肉（$98）、無骨燒雞（$88）。係等嘢食上枱嘅時候，餐廳免費增送印度薄煎餅配薄荷醬，暫時填一填我哋哩班餓鬼的肚。牛油烤餅同芝士烤餅一份有三片，厚底，表皮較硬內裏軟，兩者都有用牛油作為材料，牛油味香，芝士烤餅則中間夾左拉絲芝士。本人比較喜歡牛油烤餅，更加可以品嘗到牛油香味！至於白腰果汁咖喱配羊肉，無特別品嚐到白腰果汁的味道，香料味濃，口感柔和，微辣，羊肉煮得好嫩，落料都足，整體來說好好味！無骨燒雞，濃味但好乾，配檸檬汁會好食少少，唔特別推薦，但賣相吸引都可以打打卡。