簡品堂

營業中

休息中

之前媽咪話成日見到好多人買好想食Fresh Fresh Bakery嘅麻糬波波所以今日經過梗要買嘢返屋企孝敬媽咪🤭今次一買買咗好多款試，估唔到樣樣都幾好食✨🖤黑芝麻麻糬波波香濃黑芝麻醬加埋麻糬，煙煙靭靭好好食。🧀拉絲芝士波波入面有香濃芝士，包包超級軟熟，不過我覺得可以再多啲芝士。🍰焦糖布甸朱古力麻糬蛋糕最上係焦糖布甸、之後有朱古力、麻糬、下面蛋糕，切開中間仲有啲流心，一個有齊不同口感。🍫隕石髒髒朱古力包朱古力包上面有朱古力忌廉同脆脆。💫超軟熟開心果糯米糍超軟熟榛子脆脆糯米糍糯米糍外皮超級軟熟又唔會太厚，開心果嗰款係超級濃郁嘅開心果碎。不過我自己就鍾意食榛子脆脆味多啲。🦁獅子肉鬆芝士包造型滿分，肉鬆惹味食到中間仲有芝士粒粒，推介。💫麻糬QQ球麻糬QQ球係香濃朱古力味，口感介乎包同麻糬波波中間。🍪曲奇餅重牛油香又鬆脆。仲有佢都有奶茶，幾香滑濃郁。