九町屋

營業中

休息中

九町屋今日要介紹喺天后山河大廈地下每一間日本菜餐廳叫「九町屋」，我未入去餐廳之前，已經留意到佢哋已經喺門口放咗一塊膠斜板，本身門口係有一級，老闆真係好細心，招呼不同類別嘅顧客需要，正正就係我想要嘅無障礙要求！1.咖哩唐揚雞飯+手打蜂蜜檸檬水$58（8.5/10）呢間餐廳午市套餐係包埋飲品，主食揀咗咖哩唐揚雞飯，咖哩係偏向日式咖哩甜甜地，唐揚雞都有大約10舊，飲品就揀咗手打蜂蜜檸檬水，不過飲品個名應該寫錯咗，唔係手打蜂蜜檸檬水，應該係手打蜂蜜檸七，入面堅係勁多氣，搞到唔係我想要果杯手打蜂蜜檸檬水！2.牛肉壽喜鍋（配米飯）+芒果綠茶$69（9/10）呢間餐廳午市套餐係包埋飲品，主食揀咗牛肉壽喜鍋，牛肉都有大約5片，壽喜鍋個湯底有少少甜甜地，其他配菜有娃娃菜、豆卜、粉絲同金針菇等，仲配埋飯，飲品就揀咗芒果綠茶，兩者加埋個味道有少少怪怪地，芒果味唔覺有，綠茶亦都唔覺有，可能兩個味道加埋就係咁嘅味道！3.醬燒雞扒$33（10/10）呢個醬燒雞扒好好食，雞扒肉質好嫩滑，雞扒上面搽咗甜甜地嘅醬汁，一共有4舊醬燒雞扒，旁邊仲有沙律菜同蕃茄仔，小食嚟講真係必叫之選！4.辛味雞翼（3隻）$39（10/10