On The Spot Cafe Bar Restaurant (已結業)

原來天后而家都幾多野食，最近朋友就帶左我去試下呢間＜On The Spot Cafe Bar Restaurant＞🌟晚市2人套餐（$798+10%）🥩冷肉拚芝士碟有沙樂美腸、辣肉腸、巴馬火腿等等既凍肉，仲有布里芝士。最特別係有2件舖滿蕃茄莎莎醬既麵包，食完咸味既cool cut再食可以清新下～🥣周打忌廉蜆肉濃湯雖然叫周打襯湯，但除左傳統既蜆同薯仔之外，仲有好多青口肉。基本上係材料多過湯，好抵飲🥗柑橘羽衣甘藍沙律裡面有柑橘、雨衣甘藍、紅石榴 、醃洋蔥同合核。健康得黎仲好清新 🍝意大利豬頰肉卡邦尼意粉唔同坊間好多餐廳改用煙肉，依照返傳統用豬頰肉黎整卡邦尼，入口充滿油香咪同芝士既鹹香，而意大利粉都做到al dente既口感，值得推薦👍🦞北海道帶子＆原隻龍蝦尾帶子煎到半生熟，外層有陣陣既焦香味，裡面軟糯鮮甜。龍蝦尾都一樣係半生熟，保留到原有既鮮味，另外薯蓉入口都好幼滑🍮甜品焦糖燉蛋＆士多啤梨窩夫焦糖燉蛋嫩滑得黎唔會太甜。窩夫係粉紅色，迎合返士多啤梨味既造型，仲可以配埋2球雪糕一齊食，令味道更豐富