天空虎嘯

營業中

休息中

之前食咗好多間日本菜，唔係啲料唔新鮮、價錢貴又唔好食，就係冇乜特色。我同屋企人都好鍾意食日本菜，每兩三年都會去日本玩幾次，所以對日本菜有啲要求。然後表弟之前暑假打工嘅呢間「天空虎嘯」，佢推介我嚟試吓，主打日本菜同海鮮，啲料好新鮮，煮嘅方法好正宗。搵咗個週末晚餐，帶埋屋企人嚟呢度一齊食晚飯。一位888，得一款套餐，不過啲菜式款式都好多。阿拉斯加長腳蟹係每2位半隻，份量好大，從來都冇諗過可以食到咁多長腳蟹肉，然後好好食。法國野生深海白鱈魚味道好獨特，第一次覺得白鱈魚肉好好食，味道好鮮美，然後唔會有魚腥味。其中一道鮮北海道北寄貝同芝士櫻花蝦鮑魚都係好好食，鮮北海道北寄貝真係好鮮甜，然後仲好大隻，成口都係貝肉，然後芝士櫻花蝦鮑魚好有特色，芝士嘅鹹香，加上櫻花蝦嘅鮮味，仲有鮑魚爽口嘅口感，味道好豐富，越食越香。呢度真係唔錯，環境優美，然後仲有夜景，一生人一定要嚟呢度試吓。