黑木亭居酒屋 (清風街) (已結業)

天后高質日式居酒屋 — 黑木亭居酒屋 呢間位於天后嘅黑木亭居酒屋，喺尖沙咀同元朗都有分店，店內無論環境佈置都好有日本和風氣氛🎏好似置身於日本嘅居酒屋一樣🇯🇵😍🥗蟹將軍薯仔沙律($98)面頭鋪滿咗滿滿嘅蟹肉，配上大量蟹籽，撈埋好綿密嘅薯仔一齊食，呢個沙律意想不到地好味🐟火灸左口魚邊卷($148)左口魚油脂感重，而且仲加入咗蟹籽同埋黑松露，飯卷入面仲包左青瓜、玉子同蟹柳，口感相當豐富！🐠鐵板活海鰻($268)用鐵板燒着條鰻魚，所以食落去都仲係熱辣辣，保持住溫度。呢條鰻魚好厚肉，而且個魚皮仲好有彈性，入口煙煙韌韌！🥭芒果多多熊冰($48)呢個其實係芒果沙冰，入口食到啲芒果粒粒而且芒果味同乳酸味一啲都唔淡，都幾好飲！🥤乳酸蜜桃烏龍熊茶($58)飲落好清新，而且加咗乳酸，味道酸酸甜甜，好開胃！🐮厚切鹽蔥牛舌袋($188)呢個大癲!!!係日本的味道🇯🇵🥹真係好好食‼️牛舌入口好軟腍，而且加咗鹽同蔥花，估唔到係咁夾，冇得去日本嘅朋友仔都可以喺呢度食到日本嘅風味😍整體來講，餐牌選擇都幾多款式，而且都坐得幾舒服，食物質素不錯，都值得一試！