On The Spot Cafe Bar Restaurant (已結業)

上個星期係朋友生日，諗起之前有另一個朋友推薦位於天后嘅On The Spot Cafe Bar Restaurant，想帶壽星去一間高級西餐廳慶祝下。餐廳氣氛好浪漫輕鬆，每張枱都有盞小夜燈，整體環境好乾淨好舒服。前菜有椰菜花湯同餐包，椰菜花湯有好醲郁嘅椰菜花味，餐包熱辣辣好軟熟。Main dish我嗌咗碟煎焗鱈魚扒，鱈魚肉好嫩滑 ，點埋法式刁草忌廉醬汁 ，點綴魚肉嘅鮮味，令人忍唔住一啖接一啖。伴碟有焦糖啤梨 ，酸酸甜甜好開胃好清新,食落一啲都唔油膩。飲品方面，我本身好少飲酒，但呢到有啲好靚嘅mocktail。我嗌咗杯Ferro-rasberry，杯飲品係紫色漸變色，好適合IG打卡，而且佢唔會好甜，有好fresh嘅雜莓味，原來佢用咗雜莓同特製糖漿整，每一啖都有啲creamy嘅味，好飲！