叁不館

營業中

休息中

今日去咗天后叁不館打邊爐，我哋六點左右去到已經有人食緊了！佢係香港舊時設計，入到去就有一種溫馨嘅感覺😊，牆上仲有啲裝飾畫🎨，增添咗幾分藝術氣息。餐廳內部嘅擺設簡約又實用！湯底方面，我哋揀咗洛洛雞花膠湯🍲，佢味道濃郁，花膠大大隻，雞又嫩滑，絕對係一流嘅滋補湯底！ 野食方面，首先係本地手切肥牛🥩，肉味濃郁入口滑，真係冇得彈，原條活鮮桂花魚🐟魚肉鮮嫩，而且肉質非常細滑，真係食完一塊又一塊。Q彈鮮蝦丸🦐同手打墨魚滑都非常出色，口感彈牙，味道同樣好鮮甜！海鮮叫左蟶子同鮑魚，2者都好新鮮，鮮甜！另外，豬腰嘅處理非常好，冇異味，入口鮮甜😋，處理得非常乾淨利落，口感滑嫩無比。仲有粉絲吸哂湯底嘅味道，真係好好食。鮮蝦雲吞皮薄餡靚，蝦肉鮮甜！服務方面，服務員非常細心，清楚講解湯底同每一款醬汁，令人感受到佢哋嘅專業態度和貼心服務。🥢整體嚟講，叁不館嘅食物質素高，環境舒服，服務態度好，值得一試。佢仲有一蚊啤酒優惠，無論家庭聚餐定朋友聚會，都係好選擇👍