六両三 (鉅利大廈) (已結業)

星期日屋企唔煮飯仲win咗馬仔😆所以我地去咗天后揾野食，屋企人提議不如食台灣野，即刻上OpenRice search到「六両三」，小店樓底高乾淨企理，價錢又抵食，今晚一於就試下佢😋三寶牛肉麵加糖心蛋呢度嘅湯底、麵條可以根據自己嘅口味選擇，一上枱飲啖湯先，味道鹹淡適中，帶有微微嘅辣味，麵質煙煙韌韌有咬口，三寶包括咗牛腱、牛筋同牛肋條，牛腱同牛肋條等得非常軟腍入味，牛根粗身大大條，又滑又腍身，糖心蛋香滑流心，我將佢加入滷肉飯一齊食，蛋黃汁撈飯味道一流👍🏻牛肉麵材料豐富味道香濃，正宗台式味道牛筋牛肋條麵加滷蛋滷蛋夠入味，牛筋同牛肋條一樣做得非常出色，啖啖肉滿滿一大碗，麵入面仲加咗油麥菜，碧綠爽脆，我同屋企人連湯都飲晒😆滷肉飯推介👍🏻可以根據自己嘅喜好選擇飯量同醬汁嘅多少，滷肉嘅份量非常多，半肥瘦但肥而不膩，每啖飯都裹滿滷肉汁，加埋隻糖心蛋味道一流古早味厚切排骨推介👍🏻即叫即炸熱辣辣，外面炸得脆脆地，肉質夠鬆軟，灑上椒鹽粉更加香口惹味麻辣鴨血豆腐台灣香腸嗌牛肉麵就可以以優惠價加配小食，鴨肉滑嘟啫豆腐就吸滿麻辣湯汁，好食👍🏻台灣腸配蒜片零舍香口，蒜味十足小黑糖珍珠奶茶泡沫紅茶飲品亦可以根據自己口