哈比斯燒肉串和咖哩 (利景閣)

營業中

休息中

今日去天后買嘢，買完之後我見有啲肚餓，就四圍行吓搵吓嘢食。行到去電氣道嗰陣咁啱見到有間中東&印度嘅鋪頭，於是有膽粗粗入去試試佢。鋪頭唔係特別大間，但就可以買到好多唔同嘅中東小食。星期一至六仲有套餐可以選擇，可惜我去嗰日係星期日。最後我買左個烤牛肉卡巴捲。個牛肉捲非常足料，除左有大量洋蔥，椰菜絲同埋生菜，入面仲有超多切粒既烤牛肉，好有咬口。配合埋佢地嘅忌廉汁，一啲都唔dry。除咗卡巴卷之外，舖頭仲有好多薄餅，沙律&Naan等小食，可惜我食完個卷已經非常之飽，所以下次再試。