Cafe Paradise (砵蘭街) (已結業)

又黎到太子呢邊食飯，今次黎試試呢間好多人好評嘅餐廳，而呢間分店會再近地鐵站少少。七點左右，已經滿哂場，所以，必定要Book枱先得，而入面一眼望哂，長方形間隔一左一右各有一排位置，座位都未算話好擠迫 。今次兩個人叫左一份晚餐同一碟飯，再加錢轉甜品，每人約$150左右。香脆豬手配燒汁 套餐 $178跟餐沙律正常，而餐湯蘑菇湯味道好濃好香。豬手分量都唔少，豬皮炸到好脆，豬肉咸味就剛好，食多幾塊都唔會話要係咁飲水，而配菜有薯蓉，燒菠蘿，燒翠玉瓜，薯蓉滑，燒菠蘿完全味入哂薯蓉到。巴拿馬火腿牛肝菌醬意大利飯 $85一放低就聞到好香嘅牛肝菌醬味，意大利飯硬度夠，有咬口，而醬汁岩岩好，唔會水汪汪咁，令到粒粒飯都好平均咁食到個醬，再加埋火腿咸香，味道一流。心太軟 +$25呢到心太軟焗時間控制得好好，流心部份同蛋糕比例係一半一半，而朱古力香濃，鍾意食朱古力一定要加錢轉。