影片
更多
2018-07-18
1244 瀏覽
Omakase一直都係我最愛既菜式之一，我既目標就係要食哂全香港既Omakase，哈哈，因為去過日本之後發現，好多時香港既日本餐廳，真係會比日本既日本餐廳更好味，食材更新鮮？但隨著香港有Omakase offer既餐廳越黎越多，要實現這個目標變得越來越困難，但係唔緊要既，天下無難事，只怕有心人，今日我又黎佐呢間位於中環，主打天婦羅既日本餐廳，聽明享受飲食中的極致啦！餐廳位於威靈頓街，食飯前食飯後可以去個蘭桂芳飲番杯，很是方便。步進餐廳，從這個燈光的光暗度，加上裝潢的用料已可見餐廳是走高貴路線。望一望餐牌，有3個唔同既價錢，最平$880，最貴就$1480，分別在於$880既「天」係主打天婦羅既，而最貴既「極」就包既野多D，最岩大食，或者喜愛「極致」享受，乜都想食既食客既，例如我。被安排坐Omakase bar table，可以近距離看見大廚主理，又是另一番的享受。先付首先來到既係一個松葉蟹蓋，佢用佐一個蟹蓋上面盛放著松葉蟹肉，松葉蟹膏，海膽，昆布啫喱，大廚建議用用匙更攪拌一起吃，多重口感，既鮮且甜，加上濃濃既海膽味，令人難忘。前菜三色拼盤小點，有北海道白粟米，銀杏，法國鴨胸，花竹蝦釀明太
但隨著香港有Omakase offer既餐廳越黎越多，要實現這個目標變得越來越困難，但係唔緊要既，天下無難事，只怕有心人，今日我又黎佐呢間位於中環，主打天婦羅既日本餐廳，聽明享受飲食中的極致啦！
餐廳位於威靈頓街，食飯前食飯後可以去個蘭桂芳飲番杯，很是方便。
步進餐廳，從這個燈光的光暗度，加上裝潢的用料已可見餐廳是走高貴路線。
望一望餐牌，有3個唔同既價錢，最平$880，最貴就$1480，分別在於$880既「天」係主打天婦羅既，而最貴既「極」就包既野多D，最岩大食，或者喜愛「極致」享受，乜都想食既食客既，例如我。
被安排坐Omakase bar table，可以近距離看見大廚主理，又是另一番的享受。
先付
首先來到既係一個松葉蟹蓋，佢用佐一個蟹蓋上面盛放著松葉蟹肉，松葉蟹膏，海膽，昆布啫喱，大廚建議用用匙更攪拌一起吃，多重口感，既鮮且甜，加上濃濃既海膽味，令人難忘。
前菜
三色拼盤小點，有北海道白粟米，銀杏，法國鴨胸，花竹蝦釀明太子； 白粟米食落清甜，咬落入甘蔗既味道，好清新；銀杏有燒香，食落比較挺身有咬勁，但味道略苦；明太子帶微辣配上蝦肉好惹味；而最後既鴨胸肉味濃郁有點鴨肝的餘韻。
湯
湯品係鮑魚清湯，個湯 聞落好香，看似好清，但飲落其實帶一點鹹香，鮑魚爽彈有d似象拔蚌，飲完碗湯成個人即刻暖哂。
刺身
刺身有三色，包括了拖羅(後) ，福岡平正魚（右），深海池魚（左）。
平正魚平時比較少食得到，原來係好好味既，肉質厚實帶點爽口感，肉味鮮甜；深海池魚肉質比較綿身，魚味比較濃；拖羅好味係人都知，呢款拖羅食落軟綿綿，可以用無根後形容，油脂豐腴，令人十分滿足。
天婦羅
天婦羅既調味料包括佐白鹽，青芥辣鹽，青檸汁，和蘿蔔蓉。
天婦羅蝦
蝦身配上白鹽食，天婦羅炸漿做得好薄身好好味，連蝦尾都可以成個放入口一下KO，係其他地方實係未試過；而蝦頭則配上青芥辣鹽，食落爽脆。
天婦羅目安魚
加少少白鹽去吊味，同樣地個皮炸得好薄好味，魚味鮮甜，魚肉唔算好挺身，完全無骨，好好味。
天婦羅蔥汁海鰻
師傅特別調配既蔥汁，海鰻就略炸帶出香味，唔需要配其他任何既醬汁，海鰻既魚味唔算得上係濃，但係肉質係挺身既，蔥剁成蓉既醬汁好特別，多一份層次而又唔會蓋過海鰻既味道。
日本大蜆蔬菜天婦羅
師傅放入大蜆，再加入冬菇粒和一些菜粒，食落好有口感層次感，蜆肉既鮮甜汁配合下，份外鮮味。
合肴
合肴即係熱食方面有麵豉醬茄子，佢用上比較濃味既麵豉醬襯落比較淡味既茄子，用匙更連埋個湯底一齊食，味道比較濃烈。
日本牛肉
日本牛肉原來係熊本牛柳，配牛肩胛。
調味有蒜片，白鹽，黃芥末，和青芥辣，熊本牛柳係用炭燒既，肉汁同埋肉味得以鎖死在肉質上，而牛肩胛則食落超淋，肉味濃，配上淡淡既醬汁同牛柳成強烈對比。
食事
食事每日唔同，而今日既係梅冰素麵。
師傅用佐梅汁去做冰，同埋梅汁做既素麵，配上紫蘇葉天婦羅，食落超級冰涼，夏天食真係最佳之選。
鹿兒島安納芋
呢個樣既芋頭之前真係未食過，店員介紹呢個芋頭已經燒佐15分鐘，係可以連皮食既，食落好香脆，配白蘭地汁，和白沙糖，有juicy感。
甜品
最後既甜品係日本蜜瓜配車厘子，一年又過去，快將進入萬聚期待既萬瓜季節，可以係呢度先行品嚐，實在非常滿足，呢個蜜瓜既熟度已經到達極致，所以真係好甜好多汁，幸福度滿分。
Omakase我自己其實都真係食唔少，但係主打天婦羅既Omakase真係比較少食到，而呢度既天婦羅做得確實出色，食落唔會好有熱氣感，脆漿夠薄夠脆，平時唔太like 天婦羅既我今次都好like，值得推介。
張貼
