影片
更多
2018-08-25
71 瀏覽
好朋友生日，久違地約出黎食餐飯，就黎左呢度食Omakase。呢度主打天婦羅Omakase，夜晚有三個套餐可供選擇。天，瀧，極三款均是一人份量，天最適合天婦羅愛好者，而瀧同極天婦羅份量少啲，但有刺身同其他主食，我地最後揀左極呢個set。平時對甘筍無乜愛，但呢度既甘筍係凍食，爽口清甜，配搭梅醬都幾夾。前菜係四款食物，包括北海道粟米，銀杏，螺肉同鴨肉。當中最特別就係北海道粟米，甜到不得了，好想再食多幾舊呀！而螺肉都不容小覷，好新鮮，估唔到前菜都咁好食～松茸湯香氣逼人，飲落去味道恰到好處，唔會太濃，又唔會淡如水，完全係岩岩好。刺身共有三款，深海池魚，伊佐目同拖羅。深海池魚口感軟綿綿，伊佐目同拖羅好有鮮味，食材相當高質。天婦羅可以蘸白鹽，辣鹽，青檸汁同蘿蔔蓉，食法幾特別，各有風味，我最鐘意配上大量蘿蔔蓉咁食，清新解膩，感覺唔會熱氣。每份天婦羅都係廚師即叫即炸，保證熱辣辣。紅衫魚配海膽汁，超香濃，對於我呢個海膽控真係好吸引。香菇同魚肉都有鮮甜既海膽風味，我好鐘意！當日既主食有鰻魚同牛肉簡，我毫不猶豫就簡左日本牛肉。聽店員講，牛肉係來自熊本，經烹調後仍保持鮮味，牛味濃郁。食到八分飽既時侯，原來仲有個
好朋友生日，久違地約出黎食餐飯，就黎左呢度食Omakase。呢度主打天婦羅Omakase，夜晚有三個套餐可供選擇。天，瀧，極三款均是一人份量，天最適合天婦羅愛好者，而瀧同極天婦羅份量少啲，但有刺身同其他主食，我地最後揀左極呢個set。
平時對甘筍無乜愛，但呢度既甘筍係凍食，爽口清甜，配搭梅醬都幾夾。
前菜係四款食物，包括北海道粟米，銀杏，螺肉同鴨肉。當中最特別就係北海道粟米，甜到不得了，好想再食多幾舊呀！而螺肉都不容小覷，好新鮮，估唔到前菜都咁好食～
松茸湯香氣逼人，飲落去味道恰到好處，唔會太濃，又唔會淡如水，完全係岩岩好。
刺身共有三款，深海池魚，伊佐目同拖羅。深海池魚口感軟綿綿，伊佐目同拖羅好有鮮味，食材相當高質。
天婦羅可以蘸白鹽，辣鹽，青檸汁同蘿蔔蓉，食法幾特別，各有風味，我最鐘意配上大量蘿蔔蓉咁食，清新解膩，感覺唔會熱氣。每份天婦羅都係廚師即叫即炸，保證熱辣辣。
紅衫魚配海膽汁，超香濃，對於我呢個海膽控真係好吸引。香菇同魚肉都有鮮甜既海膽風味，我好鐘意！
當日既主食有鰻魚同牛肉簡，我毫不猶豫就簡左日本牛肉。聽店員講，牛肉係來自熊本，經烹調後仍保持鮮味，牛味濃郁。
食到八分飽既時侯，原來仲有個麵，食落去酸酸甜，好冰涼。
外表睇落去似烤蕃薯，配以白蘭地及砂糖，味道好特別，就咁食都好好食。
食到最後仲有水果食，清甜多汁，為今餐畫上完美句號。
張貼
