竹 (已結業)

真係好食到連續兩日都要黎食天婦羅，最初以為啲 item 日日都差不多，點知驚喜一浪接一浪。食咗咁多年日本菜，都係第一次食炸完再炭燒嘅天婦羅蟹腳，個北海道甘筍絲甜到好似炸番薯咁，尋日隻千葉縣炸蠔已經好食到震，點知今日隻岩手縣生蠔更加肥美味濃，師傅今日又整咗另一個 special rice，係松茸海膽飯再加隻流心天婦羅蛋黃，好感動。最開心係見到師傅全程都帶住燦爛嘅笑容、純熟嘅手藝、專注嘅眼神，好 enjoy 好投入咁去炮製每一道菜。佢用筷子夾住油鑊中炸好的天婦羅，再使勁地 fing 幾下，將多餘嘅油份 fing 走，呢下真係型到爆，好想聽日再黎呀！