影片
更多
2019-05-26
126 瀏覽
返工咁辛苦，放工梗係要對自己好啲於是係朋友介紹之下，來了中環一間主打天婦羅Omakase嘅餐廳<瀧>餐廳裝修好有格調，我地被安排坐係bar枱，開放式嘅廚房可以近距離欣賞師傅嘅刀工，仲可以更加了解食材嘅產地同配搭Menu只有三款選擇，分別為 “天 ，瀧 ，極”，價錢由$880至$1480不等，我地就揀左中價嘅“瀧”同最貴嘅“極”，兩個set同樣有先付，前菜，湯，刺身，天婦羅，合肴，食事同甜品，分別在於主菜，一款係燒物，另一款係日本牛肉先付: “蟹肉蒸蛋”，用左松葉蟹同竹葉蟹兩款蟹肉製作而成，蟹肉份量十足，食落真係啖啖蟹肉，口感好豐富，加上面頭好香薑汁味嘅薑汁泡沫，帶出蟹肉嘅鮮味，令味道更有層次😊前菜: “山芋紫菜，螢光魷魚，蟹膏豆腐，蕃薯”，賣相非常精緻，最喜歡蟹膏豆腐，蟹膏味香濃，配上面頭嘅高湯啫喱，味道好夾😊湯: “小貝柱清湯”，個湯清甜得黎帶點鮮味，裡面還有三粒小貝柱刺身: “石鯛，深海池魚，拖羅”，每款都好新鮮，由其喜歡油脂分佈最高嘅拖羅，有入口即溶嘅感覺😊天婦羅: “蝦，目光魚，立魚白子，日本大蜆”，炸漿很薄唔油，天婦羅蝦肉質彈牙，配上咖哩鹽同吃，味道非常夾，而
於是係朋友介紹之下，來了中環一間主打天婦羅Omakase嘅餐廳<瀧>
餐廳裝修好有格調，我地被安排坐係bar枱，開放式嘅廚房可以近距離欣賞師傅嘅刀工，仲可以更加了解食材嘅產地同配搭
Menu只有三款選擇，分別為 “天 ，瀧 ，極”，價錢由$880至$1480不等，我地就揀左中價嘅“瀧”同最貴嘅“極”，兩個set同樣有先付，前菜，湯，刺身，天婦羅，合肴，食事同甜品，分別在於主菜，一款係燒物，另一款係日本牛肉
先付: “蟹肉蒸蛋”，用左松葉蟹同竹葉蟹兩款蟹肉製作而成，蟹肉份量十足，食落真係啖啖蟹肉，口感好豐富，加上面頭好香薑汁味嘅薑汁泡沫，帶出蟹肉嘅鮮味，令味道更有層次😊
前菜: “山芋紫菜，螢光魷魚，蟹膏豆腐，蕃薯”，賣相非常精緻，最喜歡蟹膏豆腐，蟹膏味香濃，配上面頭嘅高湯啫喱，味道好夾😊
湯: “小貝柱清湯”，個湯清甜得黎帶點鮮味，裡面還有三粒小貝柱
刺身: “石鯛，深海池魚，拖羅”，每款都好新鮮，由其喜歡油脂分佈最高嘅拖羅，有入口即溶嘅感覺😊
天婦羅: “蝦，目光魚，立魚白子，日本大蜆”，炸漿很薄唔油，天婦羅蝦肉質彈牙，配上咖哩鹽同吃，味道非常夾，而蝦頭就脆卜卜，配上檸檬汁，非當清新😊目光魚好嫩滑，點少少鹽就已經很鮮味😊第一次食立魚白子，覺得很有驚喜，感覺有點像吃蠔仔，淋淋地得黎又有鮮味😊日本大蜆竟然連殼連肉一齊炸，真的非常特別
合肴: “竹筍昆布”，來自日本京都嘅竹筍，味道好清新，而且好爽口
日本牛肉: “慢煮牛肩，炭燒西冷”兩款同樣來自日本嘅熊本牛，薄身嘅係牛肩，用慢煮嘅方式烹調，肉質軟腍。厚燒嘅係炭燒西冷，油脂比較重，帶點咬口，配上少許海鹽，令牛味更為突出😊
食事: “梅味素麵配紫蘇葉天婦羅”，紫蘇葉天婦羅又薄又脆，配上酸酸的梅冰同吃，味道非常清新。梅味嘅湯底配上素麵，既健康又醒胃
甜品: “鹿兒島安納芋”一小時前師傅已把甜薯原條連皮拎去炸，然後再切件，外面層皮好香脆，裡面嘅甜薯好香甜，配上日本白蘭地，然後再點上砂糖，味道更有層次，帶少少酒香，非常好吃😋
而另一款甜品 “水玄餅”賣相很美，內裡有美美的櫻花，配上黃豆粉和冲繩嘅黑糖醬，甜而不膩
整體來說，這餐omakase頗有驚喜，看得出餐廳嘅用心，每道菜都各有特式
張貼
