大家樂 (已結業)

今日天氣寒冷, 最低溫度12度, 又係一個有藉口吾煮飯的日子。週中的晚飯時間, 大家樂已塞滿人, 如今天星期五、六我諗還要加條人龍呢, 天氣一凍啲乜煲物煲都出晒黎, 見到有新口味推出, 身為大家樂之友當然吾會錯過啦！沙爹牛肉金菇煲材料有牛肉、金菇、炸豆腐、紹菜, 將慣常所吃的肥牛改為牛肉, 一來就物價問題, 二來算是吃健康點吧。牛肉經過加工, 不太韌 , 也不至於好腍, 可接受；金菇份量較少, 三梳左右；炸豆腐及紹菜索了沙爹汁, 好好餸飯, 汁帶點沙爹味而不辣, 煲底的紹菜令到材料不容易黏底。臘腸排骨煲仔飯賣相總算像樣, 還加了兩條菜心整色整水。飯量真不少, 約有3碗, 足夠兩個人吃, 飯夠乾身, 吃到底竟然係有飯焦, 絶對不是煲仔蒸飯。排骨偏瘦, 豉汁味較淡, 煲仔飯豉油也不夠色及甜香, 臘腸就偏肥, 咬下去有油咇出黎。天氣凍凍地想食煲仔飯, 無乜要求的, 不用到港島區吃煲仔飯, 樓下應該有間既。